13 мај 2026
• од Темелко Тошев
Една од најпрепознатливите локации за паркирање во центарот на Скопје заминува во историјата. Отворениот паркинг простор покрај трговскиот центар „Рамстор мол“ на улицата „Свети Кирил и Методиј“ од денеска е затворен за посетителите. Причината е почеток на реализација на нов градежен проект кој значително ќе го промени ликот на овој дел од градот.
Според официјалните информации од компанијата „Рамсторе Македонија ДОО“, на овој простор ќе никне нов деловно-станбен објект. Проектот е во согласност со развојните активности на компанијата и предвидува:
Од менаџментот на трговскиот центар ги смируваат граѓаните – шопингот продолжува без прекини. Претстојните градежни активности се планирани така што нема да го попречуваат секојдневното работење.
„Пристапот до трговскиот центар ќе биде целосно овозможен и организиран согласно сите безбедносни стандарди. Посетителите ќе можат непречено да ги користат постојните влезови, кои ќе бидат јасно означени со соодветна сигнализација“, велат од „Рамстор мол“.
Клучни информации за посетителите:
Од Општина Центар потврдуваат дека градбата е во рамките на законските регулативи и важечкиот ДУП. Парцелата овозможува проширување на постојниот објект, со што трговскиот центар ќе добие нова естетска и функционална димензија во строгиот центар на Скопје.
Иако затворањето на паркингот може да предизвика привремен метеж во овој дел од градот, сопствениците ветуваат дека со завршувањето на проектот, подземните гаражи ќе понудат помодерно и посигурно решение за паркирање во срцето на главниот град.
Ненадминливи Понуди Дневно
4.8 (10276 рецензии)
Заштедете 152.00 ден

