СДСМ: Зошто ВМРО има проблем со малцинствата, кога половина од нивната влада се Бугари?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Зошто ВМРО има проблем со малцинствата, кога половина од нивната влада се Бугари?

13 мај 2026

• од Темелко Тошев

ВМРО-ОКГ и Христијан Мицкоски продолжуваат со евтината и лажна драма дека внесувањето на малцинствата во Уставот наводно го загрозувало македонскиот идентитет. Додека го плашат народот со „бугаризација“, вистината која ја кријат од јавноста е поразителна за нив, а очигледна за сите граѓани.

Лицемерие на дело: ЕУ пасоши за функционерите, блокади за народот

Вистината е следна: Половина од нивната влада, пратеници, министри, директори на јавни претпријатија и нивните потесни семејства веќе поседуваат бугарски пасоши.

Меѓу нив се и членови од семејството на самиот Мицкоски.
Тука е и семејството на нивниот главен медиумски мегафон, уредникот на Орбановата медиумска мрежа – Драган Павловиќ Латас.

Додека на граѓаните им продаваат лажен патриотизам, функционерите на ВМРО веќе ги уживаат сите права на Европската Унија кои ги овозможуваат тие пасоши.

Бегство од сопствениот закон за двојно државјанство

ВМРО – организирана криминална група, сами предложија закон за двојно државјанство, но со еден скандалозен услов: да не важи за овој состав на Собранието и Владата.

Кога СДСМ го прифати предизвикот и предложи Закон за двојно државјанство кој ќе важи веднаш за сите, вклучително и за актуелните функционери, ВМРО-ОКГ експресно го повлече сопствениот предлог. Зошто? Затоа што се плашат од транспарентност. Не сакаат нивните функционери да бидат еднакви со обичните граѓани.

Тие веќе се во ЕУ. Тие не чекаат 8-10 часа на границите. Додека на народот му велат „останете дома, не ви треба море“, тие летаат со државен авион (купен со пари на граѓаните) на луксузни дестинации.

Зошто се блокира европскиот пат?

Прашањето е едноставно: Зошто ВМРО толку жестоко се бори против внесување на малцинствата во Уставот, кога нивните најблиски соработници веќе се дел од тие заедници преку документите што ги поседуваат?

Одговорот е јасен:

Не им е грижа за македонскиот идентитет.
Не им е грижа за правата на малцинствата.
Единствена цел е блокирање на патот кон ЕУ за да продолжат со криминалот и корупцијата во мрак.

Малцинствата не се закана – Криминалот е закана!

Нема повеќе простор за лаги. Организираната криминална група предводена од Мицкоски ја држи во заложништво иднината на Македонија. Тие сакаат изолација за граѓаните, додека тие самите се обезбедени со европски документи.

Малцинствата во Уставот се техничко прашање и европска вредност. Вистинската закана за државата не се сограѓаните, туку криминалот, корупцијата и блокадите на ВМРО-ОКГ.

Продолжуваме со борбата за правда и членство во големото европско семејство.

Реформи. Правда. Европа.