Блерим Беџети: Притисокот од премиерот Мицкоски е со цел дискредитација на албанските политички фигури

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Блерим Беџети: Притисокот од премиерот Мицкоски е со цел дискредитација на албанските политички фигури

21 април 2026

• од Темелко Тошев

Демократската унија за интеграција (ДУИ) упати остри обвинувања за, како што велат, „диригиран политички притисок“ врз нивните кадри, по серијата кривични пријави поднесени против поранешните градоначалници на Сарај и Кичево, Блерим Беџети и Фатмир Дехари. На синоќешната седница на Генералниот совет на партијата, беше направена детална анализа на актуелната политичка состојба, при што беше истакнато дека овие процеси имаат за цел дефокусирање на јавноста.

Беџети: Се злоупотребуваат државните органи за политички прогон

Пратеникот на ДУИ, Блерим Беџети, оцени дека постапките на Владата не се насочени кон правдата, туку кон уривање на Охридскиот рамковен договор и дискредитација на Албанците во Македонија. Според него, институциите работат по диктат на премиерот Христијан Мицкоски.

„Целта на овие притисоци е дискредитација на албанските политичари и опструирање на интегративниот процес. Албанците имаат легитимно право да бараат ново државно уредување доколку продолжи овој деструктивен пристап на Мицкоски, кој ги злоупотребува државните органи за лични и политички пресметки“, изјави Беџети.

Серија кривични пријави за злоупотреба на службената положба

Иако Беџети тврди дека станува збор за политички мотивирани напади, фактите говорат за сериозни сомнежи за финансиски злоупотреби додека тој и Дехари беа на чело на своите општини:

Блерим Беџети: Против него во ноември минатата година беше отворен предмет за спорни дозволи и лажни технички извештаи за компанија од Глумово, тешки 1,8 милиони евра. Дополнително, МВР неодамна поднесе пријава дека овозможил незаконска добивка од 700.000 евра на фирма од Крушопек.
Фатмир Дехари: Поранешниот градоначалник на Кичево се соочува со дури 6 кривични пријави. Тој се сомничи за несовесно работење, загрозување на животната средина и штета врз буџетот која се мери во милиони евра.

„Досие ДУИ“: Од Мерко до Бајрами

Листата на функционери на ДУИ кои се под лупа на обвинителството е долга. Покрај Беџети и Дехари, во судски или истражни процеси се вклучени:

Рамиз Мерко – за злоупотреба на службената должност во Струга.
Артан Груби – за измами во службата.
Перпарим Бајрами – за малверзации во Државна лотарија.
Јахи Јахиу – под прогон на италијанското обвинителство за злоупотреба на меѓународни фондови.
Ејуп Алими и Исмет Гури – за изборни манипулации.

Забележливо е дека реториката на ДУИ за „ветинг“ на сите функционери стивна токму во моментот кога правосудните органи почнаа интензивно да го „филтрираат“ работењето на поранешните соработници на Али Ахмети. Останува прашањето дали овие случаи ќе добијат судска разрешница или ќе останат дел од секојдневниот политички фолклор.