АЛАРМ ОД ЛЕВИЦА: Мицкоски со закон им овозможува на „Бехтел и Енка“ да ви влезат во дворовите?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

АЛАРМ ОД ЛЕВИЦА: Мицкоски со закон им овозможува на „Бехтел и Енка“ да ви влезат во дворовите?

18 април 2026

• од Темелко Тошев

Додека јавноста е фокусирана на секојдневните политички препукувања, Владата предводена од Христијан Мицкоски подготвува терен за целосно суспендирање на приватната сопственост. Политичката партија Левица преку соопштение до јавноста упати сериозно предупредување: Се подготвува законски грабеж на имотите на граѓаните!

Напад врз приватната сопственост на „мала врата“

Од Левица алармираат дека во Собранието, по скратена постапка, веќе се пристигнати два предлог-закони кои значат капитулација пред крупниот капитал:

Закон за концесии и јавно-приватно партнерство
Закон за минерални суровини

Според партијата, целта на овие измени е јасна – овозможување на приватните концесионери да добиваат дозволи за експлоатација дури и кога немаат решени имотно-правни односи! Тоа значи дека државата им дава „одврзани раце“ на компаниите да газат врз имотот на народот без никакво ограничување.

„Бехтел и Енка“ помоќни од Уставот?

Најскандалозниот дел од соопштението на Левица се однесува на моќта што ја добиваат контроверзните странски конзорциуми.

„Со усвојување на вакви закони ќе се овозможи на фирми како ’Бехтел и Енка’ да можат, без никакви законски препреки, да ви направат каменолом во вашиот двор. Само ако посакаат!“ – децидни се од Левица.

Од партијата посочуваат дека со ова директно се занемаруваат законите за:

Приватна сопственост (која станува само мртва буква на хартија);
Јавни набавки;
Заштита на конкуренцијата.

ДПМНЕ во улога на „адвокат на ѓаволот“

Левица не штедеше зборови ниту за одговорноста на владејачката партија. Тие обвинуваат дека Владата на ДПМНЕ, наместо да ги штити Уставот и законите, се претворила во беден извршител на волјата на приватните инвеститори.

„Владата наместо да работи во интерес на народот, изигрува адвокат на ѓаволот. Ова е политичка селекција на концесиите и директен атак врз ресурсите кои му припаѓаат на народот.“

Левица: Нема да дозволиме кршење на граѓанските права!

Завршниот став на Левица е јасен и бескомпромисен – партијата останува единствената барикада против безмилосното уништување на природата и имотот на граѓаните во име на профитот.

„Левица стои на страна на граѓаните и нема да дозволиме понатаму да продолжи ова безмилосно и безумно уништување! Овие закони не смее да се дозволи да стапат во сила!“ – се вели во партиското соопштение.