Украинските бегалци во Северна Македонија со ограничен пристап до здравство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Украинските бегалци во Северна Македонија со ограничен пристап до здравство

01 мај 2026

• од Гоце Кически

Северна Македонија прими 86,4362 раселени лица од Украина од почетокот на руската агресија, но многумина и понатаму се соочуваат со ограничен пристап до основни услуги.

Според најнов извештај на Меѓународна федерација на Црвениот крст и Црвената полумесечина, до февруари 2025 година во земјата влегле над 86 илјади украински државјани, од кои повеќе од 80 проценти се жени, деца и постари лица – категории со зголемена ранливост.

За разлика од повеќето европски земји, македонските власти не воведоа привремена заштита за украинските бегалци. Наместо тоа, тие добиваат привремени хуманитарни дозволи за престој, кои не овозможуваат целосен пристап до државно финансирано здравство, психолошка поддршка и итна медицинска грижа. Поради тоа, многу семејства се принудени сами да ги покриваат здравствените трошоци.

Хуманитарните организации, предводени од Црвен крст на Северна Македонија, обезбедуваат помош преку парични ваучери, психосоцијална поддршка и курсеви по македонски јазик со цел полесна интеграција во општеството. Посебен фокус има на жените и децата, како и на нивниот пристап до здравствени услуги.

И покрај намалувањето на меѓународната поддршка во 2025 година, помошта продолжува за најранливите. Се обезбедуваат средства за медицински прегледи, лекови и основни потреби, како и програми за поврзување на бегалците со работодавци, со цел нивна поголема економска самостојност.