Светска банка: Северна Македонија да го активира неискористениот работен потенцијал за посилен и поодржлив раст

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Светска банка: Северна Македонија да го активира неискористениот работен потенцијал за посилен и поодржлив раст

29 април 2026

• од Гоце Кически

Економскиот раст на Северна Македонија во 2025 година достигнал 3,5 проценти, главно поттикнат од изградбата на автопатите со европски пари и активностите во услужниот сектор, но инфлациските притисоци останале високи поради растот на платите, храната и услугите, наведува Светска банка во најновиот Редовен економски извештај за Западен Балкан.

Според извештајот, во периодот 2026–2028 година се очекува растот на македонската економија да се движи околу 3 проценти во просек, главно поддржан од домашната побарувачка. Сепак, проекциите се придружени со „голема неизвесност“ и зголемени надолни ризици, особено поради геополитичките тензии и конфликтот на Блискиот Исток, кои можат да влијаат врз инфлацијата и изгледите за раст.

Светска банка предупредува дека напредокот во фискалната консолидација е одложен, додека фискалниот дефицит останува над прагот предвиден со фискалното правило. Недоволните приходи и зголемениот долг ја нагласуваат потребата од навремена фискална консолидација и создавање поголем фискален простор за справување со идни шокови.

„Во контекст на голема неизвесност, зголемувањето на фискалниот простор е од суштинско значење за отпорноста на шокови. Целосното мобилизирање на неискористениот потенцијал на работната сила, особено на жените и младите, може да ѝ обезбеди на Северна Македонија можност дополнително да го поттикне економскиот раст и да ја поддржи долгорочната социјална и фискална одржливост,“ изјави Карол Межеван, директорка на Светска банка за Северна Македонија и Косово.

Во поширок регионален контекст, Светска банка оценува дека Западен Балкан се соочува со забавување на растот, стареење на населението и одлив на работоспособни лица. Извештајот посочува дека жените, младите и другите лица кои сакаат да работат, но се соочуваат со бариери на пазарот на трудот, претставуваат значаен неискористен човечки капитал.

За Северна Македонија, пораката е дека долгорочниот раст нема да зависи само од јавните инвестиции и домашната потрошувачка, туку и од способноста на земјата да создаде повеќе и подобри работни места. Светска банка препорачува продолжување на реформите во енергетиката, дигитализацијата, поврзаноста и пазарите на трудот, во рамки на Планот за раст на ЕУ, како клучни за привлекување приватни инвестиции, намалување на сиромаштијата и приближување кон животниот стандард на Европската Унија.