Израел го поздрави апсењето на осомничените за обидот за палење на еврејски објект во Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Израел го поздрави апсењето на осомничените за обидот за палење на еврејски објект во Скопје

01 мај 2026

• од Станча Јаќимовски

Министерот за надворешни работи на Израел, Гидеон Саар, ја поздрави брзата акција на властите во Северна Македонија по апсењето на седум лица осомничени за обидот за антисемитски напад врз објект на Еврејската заедница во Скопје.

Уапсени седум лица за обидот за палење на еврејски објект во Скопје

„Му благодарам на северномакедонската влада за приведувањето на седумте осомничени во обидот за антисемитски палеж на зградата на еврејската заедница во Скопје на 12 април. Нивната брза и решителна акција за изведување на сторителите пред лицето на правдата ја нагласува посветеноста на Северна Македонија кон заштитата на еврејската заедница“, напиша Саар на социјалните мрежи.

Од Министерство за внатрешни работи информираа дека случајот е расчистен по обемна истрага спроведена по пријавата за нападот што се случил рано наутро на 12 април. На 30 април биле извршени претреси на 13 локации низ Скопје, при што биле приведени седум лица, а одземени се електронски уреди и други материјални докази.

Две лица, на возраст од 21 и 38 години, се осомничени за кривично дело „тероризам“ и им е одредена мерка притвор, додека истрагата продолжува и за останатите инволвирани.

Нова проиранска група презела одговорност за антисемитските напади во Скопје

Безбедносните анализи укажуваат дека нападот има поширока терористичка позадина и е поврзан со екстремистички мрежи активни во Европа. Според достапните информации, ваквите структури често користат локални извршители за напади врз верски објекти, што претставува сериозна закана за безбедноста и меѓуетничките односи.

Дополнителен сомнеж предизвикува и појавата на новоформираната организација „Харакат Асхаб ал-Јамин ал-Исламија“, за која се тврди дека презела одговорност за повеќе антисемитски инциденти, вклучително и нападот во Скопје. Според безбедносни извори, групата е предмет на истрага поради можна поврзаност со проирански структури и функционира како прикривачка мрежа зад која може да стојат други актери.