Филипче: СДСМ предлага финансиски надомест за погодените од трагедијата во Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: СДСМ предлага финансиски надомест за погодените од трагедијата во Кочани

10 мај 2025

• од Вардарски

Претседателот на СДСМ, Венко Филипче, во гостување во подкастот „Политиканти“ изрази увереност дека власта ќе го поддржи предлог-законот кој се однесува на семејствата погодени од трагедијата во Кочани. Тој истакна дека планира лични средби и разговори со пратениците од ВМРО-ДПМНЕ и другите партии за да обезбеди широка поддршка за овој закон.

Филипче посочи дека СДСМ има јасен и аргументиран став зошто смета дека истрагата за трагедијата се води селективно. „Прашањата се многу конкретни, и сè уште никој не дава одговор. Зошто не е утврдена одговорност кај припадниците на МВР кои биле присутни вечерта, кога во објектот имало малолетници, алкохол и пиротехнички средства?“, запраша тој.

Иако критичен, Филипче истакна дека СДСМ не сака да ја политизира трагедијата, туку дејствува по консултации со правници. Воедно, потенцира дека гласот на граѓаните и протестите се јасен показател дека се потребни суштински промени во системот.

„Сите партии што биле на власт во последните три децении носат дел од одговорноста. Но, нашиот став е дека трагедијата не треба да се користи за политички поени“, рече Филипче.

Тој ја критикуваше дебатната култура во Собранието, оценувајќи дека владејачкото мнозинство често ги отфрла предлозите од опозицијата без дебата. „Многу лесно дискусијата за трагедијата можеше да се претвори во политички циркус, што би било срам за државата и навреда за погодените семејства“, предупреди Филипче.

СДСМ предложи закон со кој се предвидува финансиски надомест за семејствата кои изгубија член, за повредените со инвалидитет, како и поволности во образованието за децата кои се на лекување. Предлогот го опфаќа и семејствата погодени од трагедиите во Тетово, Ласкарци и Беса Транс.

Филипче најави дека во следните денови лично ќе се заложи за обезбедување поддршка за законот. „Овој закон е во интерес на семејствата, а не во политички интерес. Апсолутно никој од СДСМ нема проблем да се разговара без политизација, но ако инструментите во Собранието се злоупотребуваат, тогаш нема потреба од политички циркус“, заклучи тој.