Жељазков: Вистинската сила на војската е во духот, не само во технологијата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Жељазков: Вистинската сила на војската е во духот, не само во технологијата

08 ноември 2025

• од Станча Јаќимовски

Во Меморијалниот комплекс „Хероите на Сливница“ се одржа свечена церемонија по повод 140 години од Српско-бугарската војна. Настанот беше одбележан со положување венци и свечена воена смотра, на која присуствуваа премиерот Росен Желјазков, министерот за одбрана Атанас Запрјанов, заменик-министерот Радостин Илиев, началникот на Генералштабот адмирал Емил Ефтимов, бугарскиот патријарх Даниил, како и градоначалникот на Сливница Васко Стоилков.

Поглед кон историјата и подвигот на војниците

Градоначалникот Стоилков потсети дека токму оваа победа е првата и најзначајна во историјата на бугарската војска.
„Нашата армија за само три дена се придвижила од турската граница, пеш, по тројца со пушка на рамото. Тоа е вистински подвиг во нашата воена историја“, изјави тој. Стоилков додаде дека локалното население активно учествувало во борбите – мажите биле на фронтот, жените ги изхранувале војниците, а децата им носеле вода. „Горд сум што сум од овој регион“, нагласи тој.

Порака на премиерот Желјазков

Премиерот Росен Желјазков во својот говор истакна дека технолошкиот напредок не е доволен без човечка посветеност.
„Инвестирањето во модерни технологии би било самоцелно ако нема инспирација, желба и посветеност кон војничката професија. Затоа задачата на секоја држава е да го гради авторитетот на бугарскиот воин и атрактивноста на војничката служба, бидејќи најважната цел е одбраната на татковината“, рече тој.

Почит кон паднатите херои

Претходно во текот на денот, војници и претставници на институции положија венци и оддадоа почит пред Пантеонот „Мајка Бугарија“ кај селото Гургуљат и пред споменикот „Петтемина капетани“ во Сливница. Со тоа беше одбележана славната страница од историјата на бугарската армија и пожртвуваноста на сите кои ја бранеле својата татковина пред 140 години.