Косово ја зголемува минималната плата на 500 евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Косово ја зголемува минималната плата на 500 евра – С. Македонија заостанува

01 ноември 2025

• од Станча Јаќимовски

Привремената влада на Косово го усвои предлогот на Министерството за финансии за значително зголемување на минималната месечна плата, која ќе достигне 500 евра во 2026 година, објави весникот „Газета Експрес“. Според новата одлука, сегашната минимална плата од 350 евра ќе расте во две фази – од 1 јануари 2026 година ќе изнесува 425 евра, а од 1 јули истата година ќе достигне 500 евра месечно.

„По анализите што ги спроведовме за влијанието на оваа мерка врз приватниот сектор, претпријатијата и работниците, имајќи предвид дека околу 150.000 вработени се засегнати, и по консултациите со синдикатите и стопанските здруженија, предлагаме минималната плата да изнесува 500 евра, односно околу 3 евра по работен час,“ изјави вршителот на должност министер за финансии, Хекуран Мурати.

Покрај оваа мерка, косовската влада го усвои и рекордниот буџет за следната година, кој предвидува зголемени инвестиции и подобрувања во повеќе сектори, особено во јавната администрација и инфраструктурата.

Напредок во Косово, застој во Северна Македонија

Додека Косово бележи напредок во социјалната политика и се обидува да го подобри стандардот на своите граѓани, Северна Македонија останува зад нејзините соседи. Минималната плата во земјата моментално изнесува околу 320 евра – значително помалку дури и од сегашната косовска.

Оваа разлика е сè поочигледна и поставува прашање: како е можно една држава со помала економија и пократка независност да прави побрзи чекори кон подобрување на животниот стандард од земја која веќе три децении е во процес на европска интеграција?

Додека косовската влада испраќа сигнал дека приоритет е достоинствената заработка и заштитата на работниците, Северна Македонија сè уште се соочува со политички блокади и бавни реформи. Ако оваа динамика продолжи, граѓаните ќе продолжат да ја чувствуваат разликата во квалитетот на животот – и ќе се прашуваат зошто нивната држава не може да понуди повеќе.