Косово забрани носење хиџаб во училиштата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Косово забрани носење хиџаб во училиштата

04 ноември 2025

• од Станча Јаќимовски

Врховниот суд на Косово ја потврди забраната за носење хиџаб во училиштата, оценувајќи дека мерката е во согласност со кодексот за облекување што го пропиша Министерството за образование, наука, технологија и иновации. Со оваа одлука, судот ја отфрли тужбата поднесена од Мрежата за професионален развој на жените „Арита“, која ја оспоруваше законитоста на забраната.

Министерството има право да утврдува правила

Организацијата „Арита“ тврдеше дека забраната е дискриминаторска и дека во последните години голем број девојчиња биле спречени да посетуваат настава поради носење шамија. Тие побараа Врховниот суд да ја поништи одлуката на Министерството, но судот оцени дека Министерството има законско овластување да утврдува правила за однесување и облекување на учениците, согласно Законот за предуниверзитетско образование и Законот за стручно образование и обука.

Долгогодишна и чувствителна тема

Прашањето за носењето шамии во јавните училишта во Косово е предмет на долготрајна општествена дебата. Околу 92 проценти од населението во земјата се муслимани, а темата првпат предизвика поширока реакција во 2010 година, кога административните упатства на Министерството забранија „религиозни униформи“ во училиштата.

Исламската заедница на Косово остро се спротивстави на оваа политика, нагласувајќи дека шамијата не треба да се смета за религиозна униформа, туку како дел од верската обврска и личното убедување на секоја муслиманка.