Додека ние го браниме идентитетот – Црна Гора и Албанија без роаминг со ЕУ!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Додека ние го браниме идентитетот – Црна Гора и Албанија без роаминг со ЕУ!

21 октомври 2025

• од Станча Јаќимовски

Додека Црна Гора и Албанија прават големи чекори кон европската иднина, Македонија останува заглавена во калта на ветувањата и изговорите. Од јуни 2026 година, граѓаните на овие две земји ќе можат да телефонираат и користат мобилен интернет во Европската Унија по исти цени како дома. За нив, Европа станува реалност. За нас – далечен сон.

Другите напредуваат, ние тапкаме во место

Додека Црногорците и Албанците ќе шетаат низ ЕУ без да се грижат за сметки, македонските граѓани и понатаму ќе ги бројат мегабајтите и ќе се плашат да примат повик кога патуваат. Додека тие ќе зборуваат со своите најблиски без граници, ние ќе ги гасиме телефоните за да избегнеме енормни трошоци.

Секој ваков потег од соседите е уште еден шамар за Македонија, која со години чека „само уште еден услов“ за да се приближи кон Унијата. Додека ние слушаме за „планови, стратегии и патокази“, регионот нè остава зад себе.

Европа ги прифаќа нив – нè заборава нас

Освен што ќе имаат бесплатен роаминг, Црна Гора и Албанија веќе се приклучија и кон европскиот систем за плаќања SEPA, што ќе им овозможи побрзи и поевтини трансакции со цела Европа. Македонија? Сè уште зборува за тоа како „ќе се разгледа можноста“.

И додека нашите политичари се фалат со „историски чекори“, Европа го врти погледот кон оние што навистина прават нешто. Секој потпис на договор во Подгорица и Тирана е уште еден потсетник дека ние останавме заробени во сопствената апатија и бирократија.

Без надеж и без сигнал

Додека другите ќе зборуваат со Европа без граници, ние ќе продолжиме да ја бараме линијата. Ниту има роаминг, ниту има реформи, ниту има иднина. Македонија повторно останува на „чекај сигнал“ – во секој можен контекст.