Адвокат од Бугарија во одбрана на Цеца: Ја знае историјата подобро од многумина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Адвокат од Бугарија во одбрана на Цеца: Ја знае историјата подобро од многумина

02 ноември 2025

• од Станча Јаќимовски

Адвокат од Пловдив ја брани Цеца по инцидентот во Велес

Пловдивскиот адвокат Тодор Крстев јавно ја изрази својата поддршка за српската пејачка Цеца Величковиќ, откако таа пред македонската публика во Велес се појави завиткана во бугарското знаме. Настанот, кој се случи на 31 октомври, предизвика бурни реакции и скандал во јавноста на Република Северна Македонија.

„Не сум љубител на фолк музика, особено не на српската верзија, но денес и утре ќе ја слушам Цеца цел ден. Жената заслужува поддршка, бидејќи е на страната на вистината. Таа е образована, ја познава историјата и ја сака вистината“, изјави Крстев за бугарските медиуми.

Според написите на медиумите, концертот во спортската сала „Гемиджии“ требало да биде обичен музички настап, но се претворил во вистинска драма. Во еден момент, Цеца го развила бугарското знаме на сцената, што предизвикало бурна реакција кај дел од публиката. Се слушале извици „Срам!“ и „Ова е Македонија!“, а некои посетители демонстративно ја напуштиле салата.

„Српската турбофолк ѕвезда Цеца Величковиќ се појави завиткана во огромно бугарско знаме, кое одбила да го тргне. Сето тоа ме наведува на два заклучоци – прво, дека нашето разузнавање очигледно добро функционира, и второ, дека пејачката е образована жена која ја познава историјата“, напиша адвокатот Крстев на своите социјални мрежи.

Во Македонија, пак, медиумите и дел од јавноста бараат Величковиќ да објасни зошто го направила овој потег, кој се смета за провокација. Организаторите на концертот засега не даваат коментари, а и самата Цеца одбива да одговори на прашањата на новинарите.

Инцидентот ја подели јавноста и повторно ги отвори чувствителните теми поврзани со националниот идентитет и односите меѓу двете земји.