Македонија 26 години без победа против Словенија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Македонија 26 години без победа против Словенија

20 октомври 2025

• од Станча Јаќимовски

Македонската женска ракометна репрезентација денеска го продолжува настапот во квалификациите за Европското првенство 2025 година. По убедливиот пораз од Германија на гостински терен, нашите ракометарки вечерва ќе се обидат да се рехабилитираат пред домашната публика во Битола, каде што ќе ја пречекаат селекцијата на Словенија. Натпреварот ќе се одигра во салата „Боро Чурлевски“ со почеток во 18 часот.

Без Сара Ристовска во составот

Селекторот Киристијан Грчевски на овој дуел повторно нема да може да смета на најдобрата ракометарка Сара Ристовска, која поради повреда не беше дел ниту од претходниот меч против Германија. Нејзиното отсуство претставува голем хендикеп за нашиот состав, кој сепак се надева на позитивен резултат пред домашната публика.

Долга негативна традиција против Словенките

Поминаа цели 26 години откако Македонија последен пат ја совлада Словенија. Од тогаш, двете селекции се сретнале 13 пати, при што Словенките имаат девет победи, еден натпревар завршил нерешено, а македонската селекција последен пат славела уште во далечната 1999 година.

Ќе се прекине ли „црната серија“?

Словенија квалификациите ги започна со победа над Белгија и во Битола доаѓа во одлична форма. Нашите ракометарки, пак, ќе се обидат со силна поддршка од трибините да ја прекинат долгогодишната негативна традиција и да стигнат до први бодови во квалификациите.

Дали Македонија конечно ќе ја прекине серијата без победа против Словенија – останува да дознаеме вечерва во „Боро Чурлевски“.