Иван Иванов избран за најдобар млад спортист на Бугарија за 2025 година

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Иван Иванов избран за најдобар млад спортист на Бугарија за 2025 година

10 јануари 2026

• од Станча Јаќимовски

Тенискиот талент Иван Иванов е прогласен за најдобар млад спортист на Бугарија за 2025 година. Шампионот во сингл конкуренција кај јуниорите на Вимблдон и УС Опен ја доби престижната награда по анкетата на специјализираниот сајт за детско-јуниорски спорт Viasport.bg.

Второто место му припадна на одбојкарската ѕвезда Симеон Николов, кој имаше клучна улога во освојувањето на сребрениот медал на бугарската машка репрезентација на Светското првенство. Трет во изборот се пласираше еден од најголемите таленти на Бугарија во автомобилизмот – Никола Цолов.

Во 14-тото издание на анкетата, во која учествуваа 132 новинари, Иванов собра 1089 гласови. Наградата ја примија неговите родители, бидејќи тој во моментот настапува на турнир во академијата на Рафаел Надал во Манакор. Симеон Николов остана втор со само 30 гласа помалку, додека Никола Цолов, кој веќе си обезбеди место во Формула 2, собра 974 поени.

Топ 10 листата ја дополнија: Александар Василев, Малена Замфирова, Димана Иванова, Валентина Георгиева, Християн Касабов, Викторија Нинова и Калина Венева.

За екипа на годината беше избрана националната одбојкарска репрезентација за девојки до 19 години, предводена од тренерот Атанас Петров, која стана светски шампион во својата возрасна категорија. Петров беше прогласен и за тренер на годината.

Признанието „Воля за победа“ му беше доделено на фудбалерот од младинската школа на ЦСКА, Антон Толев, кој беше тешко повреден во новогодишната ноќ на почетокот на 2025 година, но покажа исклучителна храброст и карактер.

На церемонијата беше доделено и специјалното признание „Баскетболен инспиратор“, кое го носи името на поранешниот кошаркар Спас Натов. Наградата ја доби тренерот од Јамбол, Здравко Јанчев, а му ја врачи претседателот на Бугарската кошаркарска федерација, Георги Глушков, кој истиот ден го прославуваше својот роденден.

Основачот на иницијативата „Хероите на иднината“, Божидар Картунов, ја избра младата сноубордерка Малена Замфирова за добитничка на специјалната награда што се доделува на спортист кој со своето однесување и постапки, на и надвор од спортскиот терен, служи како позитивен пример за подражавање.

За првпат во историјата на анкетата беше доделен и специјален приз на федерација – Бугарската одбојкарска федерација беше избрана за најдобра во работата со млади спортисти во текот на годината. Признанието е востановено од Асоцијацијата на бугарските спортски федерации.

Во конечниот пласман поени добија 56 индивидуални спортисти до 19 години, четири екипи и пет тренери на млади категории. Настанот беше почестен од бројни легенди на бугарскиот спорт и претседатели на федерации, меѓу кои Јордан Јовчев, Ивет Лалова, Николај Иванов, Љубомир Ганев, Красимир Дунев, Румен Стоилов и други.