07 март 2026
• од Станча Јаќимовски
81-годишна жителка на Кавадарци станала жртва на телефонска измама, откако непознат човек ја убедил дека нејзината ќерка е тешко повредена и дека итно се потребни пари за операција.
Според информациите од полицијата, на 5 март жената добила телефонски повик од лице кое се претставило како лекар. Тој ѝ кажал дека нејзината ќерка наводно се наоѓа во болница со скршеница и дека мора веднаш да се направи операција. За да се изврши зафатот, „лекарот“ побарал пари.
Загрижена за здравјето на своето дете, жената се согласила да помогне. По договорот, излегла пред својот дом и му предала 300.000 денари на маж кој дошол да ги земе парите. Дури подоцна сфатила дека станува збор за измама.
Следниот ден, на 6 март околу 9:35 часот, полицијата во Кавадарци го привела 45-годишниот А.Т. од Дојран, кој се сомничи дека учествувал во измамата. Во разговор со полицијата тој го признал делото.
За случајот е известен јавен обвинител, а по целосното документирање на настанот против осомничениот ќе биде поднесена соодветна пријава.
Ненадминливи Понуди Дневно
4.8 (10276 рецензии)
Заштедете 152.00 ден

