СДСМ се приклучува на протестниот марш „Нема да не снема“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ се приклучува на протестниот марш „Нема да не снема“

07 март 2026

• од Станча Јаќимовски

Претседателот на Социјалдемократскиот сојуз на Македонија (СДСМ), д-р Венко Филипче, денеска на прес-конференција соопшти дека партијата го откажува традиционалниот марш по повод 8 Март, кој требаше утре да се одржи во Богданци, и наместо тоа ќе се приклучи на протестниот марш „Нема да не снема“.

Филипче истакна дека СДСМ секоја година го одбележува Меѓународниот ден на жената со марш на кој се слават достигнувањата на жените, но и се упатуваат барања за подобрување на нивната положба во општеството. Сепак, како што посочи, неодамнешната трагедија во Скопје, во која животот го загубија мајка и дете, ја променила одлуката на партијата.

„И оваа година, како и секоја од изминатите, требаше да го одбележиме 8 Март со традиционалниот марш – да ги славиме достигнувањата на жените, но и гласно да бараме подобрување на нивната положба во општеството. Но трагичниот настан што се случи во Скопје, смртта на мајката и детето, нè остави длабоко потресени. Затоа донесовме одлука традиционалниот марш што требаше утре да се одржи во Богданци да биде откажан, а наместо тоа утре ќе бидеме присутни на протестниот марш што го организираат граѓански организации, поединци, активисти, иницијативи и платформи за родова еднаквост. Таму ќе бидеме присутни како граѓани. СДСМ ќе биде со граѓаните“, изјави Филипче.

Тој нагласи дека трагедијата во скопската населба Карпош е уште еден сериозен сигнал за проблемите со заштитата на жените од насилство и за, како што рече, несоодветната реакција на институциите.

„Ова не е само индивидуална трагедија. Ова е уште еден трагичен доказ за системскиот проблем со насилството врз жените, за неадекватната заштита и за неадекватната реакција на институциите – едноставно, за неуспехот на институциите да се справат со овој проблем“, рече Филипче.

Протестниот марш „Нема да не снема“ е најавен за утре и се организира од повеќе граѓански организации и активистички иницијативи кои бараат посилна институционална заштита на жените и поефикасна борба против родово базираното насилство.