Народниот правобранител Фатон Селами го посети Затворот Скопје во Шутка, се истражуваат тврдењата за насилство врз затворениците

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Народниот правобранител Фатон Селами го посети Затворот Скопје во Шутка, се истражуваат тврдењата за насилство врз затворениците

10 јули 2026

• од Темелко Тошев

Народниот правобранител, Фатон Селами, денеска го посети Казнено-поправната установа – Затвор Скопје во Шутка, каде што оствари средби со раководството на институцијата, но и со дел од затворениците кои изнесоа тврдења за употреба на насилство за време на вчерашниот претрес.

Од Канцеларијата на Народниот правобранител соопштија дека Селами, заедно со тимот на Механизмот за граѓанска контрола, се сретнал со директорот на затворот, Бобан Утковски, и со заменикот-директор Баки Мустафи.

Целта на средбата била добивање подетални информации во врска со претресот извршен од страна на припадниците на Единицата за интервенции при затворската полиција, која е под директна надлежност на Управата за извршување на санкции.

За време на посетата, Омбудсманот разговарал директно и со дел од затворениците кои биле предмет на претресот. Фокусот на разговорите бил начинот на постапување на припадниците на единицата за време на акцијата. Поконкретно, се утврдува дали биле испочитувани процедурите и стандардите предвидени со законските акти, како и дали имало пречекорување на службените овластувања или употреба на прекумерна физичка сила.

Од Канцеларијата на Народниот правобранител информираат дека во текот на денешниот ден тимот на Механизмот за граѓанска контрола ќе продолжи со истражување на случајот. По завршувањето на сите проверки и прибирањето на доказите, Народниот правобранител детално ќе ја информира јавноста за констатациите и за понатамошните дејствија што ќе бидат преземени.