Филипче: Владата ја турка економијата во бездна, стандардот на граѓаните пропаѓа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Владата ја турка економијата во бездна, стандардот на граѓаните пропаѓа

10 мај 2025

• од Вардарски

Претседателот на Социјалдемократскиот сојуз на Македонија (СДСМ), Венко Филипче, жестоко ја критикуваше Владата на ВМРО-ДПМНЕ за, како што рече, катастрофалното управување со економијата и институциите, при што се уништува животниот стандард на граѓаните.

Во гостувањето во подкастот „Политиканти“, Филипче предупреди дека последиците од лошите економски политики се веќе видливи насекаде во земјата.

„Имаме пад на индустриското производство, пад на извозот, сериозен пад на стандардот на граѓаните и неконтролирани цени во маркетите“, истакна Филипче. Тој додаде дека реалната состојба е далеку полоша од сликата што Владата се обидува да ја прикаже во јавноста.

Особено алармантен, според него, е растот на основните трошоци за живот. „Цената на струјата порасна за 20 до 30%, парното за 5%. Брзо ќе помине летото и повторно ќе се соочиме со огромен притисок врз семејните буџети. Граѓаните веќе не можат крај со крај да врзат, а Владата не презема ништо“, предупреди лидерот на СДСМ.

Филипче остро го критикуваше и односот на Владата кон работниците, нагласувајќи дека нема слух за зголемување на платите. „Ниту минималната, ниту просечната плата се зголемуваат, а Владата велат дека тоа треба да го договорат работниците и работодавачите. Ако е така, зошто ни е Владата?“ праша Филипче.

Тој потсети на мерките што ги преземала Владата на СДСМ за време на најголемите кризи, вклучувајќи ја ковид пандемијата и енергетската криза. „Секој граѓанин беше помогнат, а стандардот заштитен. Платите растеа и во најтешките времиња, се субвенционираа работни места и компании, и над 80 илјади работни места беа зачувани благодарение на нашите мерки. Сметките за струја не се зголемија и покрај тоа што цената на гасот на светските пазари скокна неколкукратно,“ нагласи Филипче.

Со оваа остра критика, СДСМ испраќа јасна порака до Владата – да преземе итни мерки за стабилизирање на економијата и подобрување на животниот стандард, пред состојбата да стане уште полоша.