ДРЖАВА ВО РАСПАД: Змија му го окупираше домот на скопјанец, од 112 му порачаа сам да си бара спас

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДРЖАВА ВО РАСПАД: Змија му го окупираше домот на скопјанец, од 112 му порачаа сам да си бара спас

24 јуни 2026

• од Темелко Тошев

Уште еден поразувачки доказ дека граѓаните на Македонија се целосно препуштени сами на себе, оставени на милост и немилост на судбината, додека институциите постојат само на хартија. Стево Станковиќ од скопската населба Хиподром ја живее најновата македонска апсурдна трагедија – тој од вчера е бегалец од сопствената куќа, додека во неговата дневна соба „газдува“ змија.

Ситуацијата е истовремено морничава и парализирачка. Непоканетиот гостин се скрил некаде во домот, а сопственикот, во оправдан страв за сопствениот живот, веќе втор ден буквално седи надвор пред сопствената врата. Обидите на неговите роднини и соседи да го пронајдат влекачот завршиле неуспешно. Обичниот човек е немоќен, но она што навистина го крши духот и предизвикува горчина е реакцијата на државата.

Во момент на очај, Станковиќ побарал спас вртејќи на бројот за итни случаи 112. Бројот кој во нормалните држави значи сигурност и брза интервенција, во Македонија очигледно е само линија за префрлање на одговорноста. Од другата страна на слушалката го дочекал студен, бирократски и целосно поразувачки одговор: не можеме да ви помогнеме, барајте си сами човек што се разбира од змии.

Ова одамна не е само обична вест за една змија во скопски Хиподром. Ова е тажната слика за еден систем во распаѓање. Граѓаните цел живот плаќаат даноци за служби кои во кризни ситуации едноставно им велат – „снајдете се како знаете“. Што да прави еден човек кога домот му е окупиран од потенцијално опасен влекач? Да спие на улица додека не залади? Да плаќа приватни „шапнувач на змии“ затоа што државните служби немаат ниту кадар, ниту волја да излезат на терен?

Случајот на Станковиќ е само уште една силна шлаканица за секој жител на оваа земја. Тоа е суров потсетник дека кога ќе се најдете во опасност, нема кој да ве заштити. Оставени сте сами во сопствениот очај, во држава која одамна кренала раце од своите граѓани.