Долгоочекуваната врска со Бугарија станува реалност: 5 милијарди евра за Коридорот 8

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Долгоочекуваната врска со Бугарија станува реалност: 5 милијарди евра за Коридорот 8

23 април 2026

• од Тодор Вангелов

Во наредните десетина дена се очекува да биде објавен тендерот за избор на изведувач за дел од инфраструктурните активности на Коридорот 8, по што уште во текот на летото би започнале и градежните работи на терен. Ова денеска го изјави вицепремиерот и министер за транспорт Александар Николоски пред почетокот на состанокот посветен на напредокот и плановите за овој стратешки проект.

Состанокот се одржа во соработка со претставници на Делегацијата на Европската унија во Скопје, при што во фокусот беа тековните активности и идните чекори за реализација на Коридорот 8 – важна транспортна врска што ја поврзува Северна Македонија со Бугарија и поширокиот регион.

Николоски најави дека на средбата ќе се отвори и прашањето за западното железничко крило на Коридорот 8, како и за изградбата на патните делници. Според него, реализацијата на овие проекти се одвива со добра динамика.

„Изградбата на железничкиот и патниот дел од Коридорот 8 ќе чини околу 5 милијарди евра,“ истакна Николоски, нагласувајќи ја големината и значењето на инвестицијата.

Од страна на Европската унија, претставникот Бен Нупнау оцени дека Коридорот 8 претставува стратешки проект со значајни придобивки за граѓаните и земјите во регионот. Тој посебно го подвлече неговото безбедносно значење во услови на актуелните геополитички предизвици.

„Овој состанок е јасна потврда за заложбата на Владата за спроведување на проектите од Коридорот 8,“ нагласи Нупнау.

Коридорот 8, како клучна врска меѓу Јадранското и Црното Море, има за цел да ја зајакне економската соработка и транспортната поврзаност, особено меѓу Северна Македонија и Бугарија, отворајќи нови можности за трговија, инвестиции и регионален развој.