СДСМ: Изјавите на Мицкоски во Виена се дипломатски срам и закана за европската иднина на државата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Изјавите на Мицкоски во Виена се дипломатски срам и закана за европската иднина на државата

23 април 2026

• од Тодор Вангелов

СДСМ остро реагираше на изјавите на лидерот на ВМРО-ДПМНЕ, Христијан Мицкоски, дадени за време на неговата посета на Виена, оценувајќи ги како „дипломатска катастрофа“ и сериозен удар врз угледот на државата.

Во соопштение до јавноста, СДСМ обвини дека Мицкоски, престојувајќи во главниот град на една земја-членка на Европската Унија, ги навредил домаќините, нарекувајќи ја Европа „силеџијка“ која врши „булинг“ врз Северна Македонија.

Австрискиот канцлер до Мицкоски: Сите страни од Западен Балкан да ги исполнат обврските – уставните измени клучни

„Оваа изјава не е само дипломатски скандал, туку и срам за целата држава“, велат од партијата.

Од СДСМ дополнуваат дека Мицкоски се обидува да ја префрли вината за застојот во евроинтегративниот процес, тврдејќи дека „сè направил“, додека процесот го нарекува „приказна без крај“.

„Човекот кој освен конфликти, злоупотреба на службена должност и лично богатење не направил ништо на дипломатски план, денес ја затвора вратата на Европската Унија каде и да оди“, стои во реакцијата.

Партијата потсетува дека процесот на пристапување кон ЕУ трае повеќе од две децении и поставува прашање колку од тоа време е изгубено, како што велат, поради политиките на ВМРО-ДПМНЕ.

Во соопштението се наведуваат и низа обвинувања кон Мицкоски, меѓу кои дека ја „запоседнал правосудната власт“, ги злоупотребува ИПАРД фондовите, ја ограничува слободата на говор и врши притисок врз медиумите. Дополнително, според СДСМ, неговата политика создава меѓуетнички тензии и ги навредува граѓаните кои се залагаат за членство во ЕУ.

СДСМ исто така тврди дека ваквите постапки се прават „по директива од Москва“, со цел да се блокира евроинтегративниот пат на земјата.

Во споредба со соседните земји, како Црна Гора и Албанија, кои бележат напредок во европските интеграции, од СДСМ оценуваат дека Македонија стагнира поради актуелните политики.

Канцеларот на Австрија, Кристијан Штокер, на средбата во Виена со премиерот Христијан Мицкоски оцени дека односите меѓу двете земји се стабилни и партнерски, но истовремено испрати јасна порака дека напредокот кон Европската Унија зависи од исполнувањето на преземените обврски. Тој истакна проширувањето како клучен инструмент за стабилност, при што директно се осврна и на потребата од уставни измени во Северна Македонија – вклучително и внесувањето на Бугарите во Уставот, како еден од предусловите за продолжување на пристапните преговори со ЕУ.