Водата во езерото „Младост“ сè позагадена: Комисијата бара итна реализација на одамна донесените мерки

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Водата во езерото „Младост“ сè позагадена: Комисијата бара итна реализација на одамна донесените мерки

17 јули 2025

• од Станча Јаќимовски

Квалитетот на водата во велешкото езеро „Младост“ драстично се влошува, предупредуваат здравствените власти и локалната Комисија за следење на состојбата. Според најновите анализи на Центарот за јавно здравје, водата во езерото моментално е во полоша состојба од минатата година, поради што на почетокот на месецот беше изречена забрана за каква било употреба – вклучително капење, рекреација и наводнување.

На последната седница на Комисијата, не само што беше констатирана алармантната состојба на езерото, туку уште еднаш беа потврдени и одамна донесените, но нереализирани мерки за негов спас. Членот на Комисијата, Димитар Абрашев, изјави за МИА дека мерките мора да се реализираат без одлагање, бидејќи езерото „буквално изумира“.

Потребни итни мерки за опстанок на езерото

Предложените мерки вклучуваат:

Чистење на коритото на Отовичка Река за спречување на натамошно загадување,
Отстранување на наслагите од езерото, кои го намалуваат квалитетот на водата,
Копање на бушотини кај Рудничка Река, за обезбедување свежа вода која би се донела до езерото како краткорочна интервенција,
Реконструкција на колекторскиот систем и шахтите, со цел спречување на истекување отпадни води во езерото.

Дополнително, како стратешки приоритет се наведува довршување на цевководот од езеро „Лисиче“ до „Младост“ во должина од шест километри. Според членовите на Комисијата, Владата веќе дала ветување за реализација на овој проект, но досега нема конкретни резултати на терен.

Апел до институциите: Од зборови кон дела

„Голем дел од овие активности требаше веќе да бидат завршени. Очекуваме до следната месечна седница да видиме конкретни активности на терен. Не е доволно само да ја констатираме влошената состојба и повторно да ги набројуваме истите мерки,“ изјави Абрашев, изразувајќи надеж дека институциите конечно ќе постапат.

Комисијата повторно го испрати апелот до сите надлежни органи – локалната самоуправа, Министерството за животна средина и Владата – итно да ги превземат сите неопходни активности, пред да биде предоцна за велешкото езеро „Младост“.