СДСМ: Нема одговор како 5 тони дрога поминале преку граница

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Нема одговор како 5 тони дрога поминале преку граница

06 февруари 2026

• од Станча Јаќимовски

Опозициската СДСМ обвини дека и по една недела од објавувањето на, како што го нарекуваат, големиот картелски скандал со пет тони дрога запленета во Србија, нема одговор од власта како толкава количина наркотик поминала преку македонската граница.

Од партијата прашуваат кој ќе сноси одговорност за случајот и дали во него се вмешани структури од власта. Според СДСМ, без поддршка или прикривање од државни институции како МВР и Царината, невозможно е да се прошверцуваат пет тони дрога.

„Со денови алармираме за поврзаност на криминални структури во Македонија и Србија, но власта молчи. Истата таа власт молчи и за фотографиите на Мицкоски со криминалецот Симе“, велат од СДСМ.

Од таму оценуваат дека актуелните акции и медиумската кампања за заплени на канабис се обид за дефокусирање на јавноста од клучното прашање – кој дозволил огромната количина дрога да ја мине државната граница.

СДСМ потсетува дека законскиот основ за производство на медицински канабис во земјава бил воспоставен во време на владеењето на ВМРО-ДПМНЕ, со измени на законот донесени на 9 февруари 2016 година. Првата лиценца за одгледување медицински канабис, според нив, била издадена во февруари 2017 година, а производството започнало во мај истата година.

Партијата предупредува дека доколку, поради сензационализам и медиумски притисок, се запленуваат и легални количини канабис, државата може да се соочи со обврска за плаќање отштета.

„Ова бркање вештерки по компании е фарса, а истото сценарио се гледа и во Србија. Целата кампања се спроведува по рецептот на Вучиќ – сè е copy-paste“, порачуваат од СДСМ.