Филипче: Владата ја турка Македонија во изолација и под авторитарни влијанија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Владата ја турка Македонија во изолација и под авторитарни влијанија

06 февруари 2026

• од Станча Јаќимовски

Претседателот на СДСМ, Венко Филипче, на вчерашната прес-конференција остро ја критикуваше актуелната влада, обвинувајќи ја дека ја оддалечува државата од европскиот пат и ја турка во меѓународна изолација, изложувајќи ја на туѓи авторитарни влијанија.

Според Филипче, очигледно е дека во земјата не се спроведуваат суштински реформи, ниту се преземаат потребните чекори за напредок кон членство во Европската Унија. Тој нагласи дека додека Македонија стагнира, земјите од регионот забрзано напредуваат.

„Црна Гора и Албанија одамна го фатија возот за Европската Унија. Црна Гора веќе го пишува договорот за пристапување и ги затвора сите поглавја, додека ние стоиме во место“, истакна Филипче.

Тој посебно се осврна на состојбите во правосудството, посочувајќи дека наместо реформи се случува дополнителна партизација на судиите, обвинителите и институциите, што, како што рече, е јасен показател за отсуство на политичка волја за европски интеграции.

Филипче предупреди и на, како што ја оцени, сè поочигледната улога на унгарскиот премиер Виктор Орбан во креирањето на домашните политики. Според него, влијанието започнало преку финансиската зависност со кредитот од една милијарда евра, за кој јавноста сè уште нема информации како и каде се потрошени средствата.

„Во медиумската сфера постои јасна мрежа на унгарски медиуми кои шират силно антиевропско расположение. Поврзаноста со вакви авторитарни режими нè држи во изолација“, изјави Филипче.

Тој потсети дека премиерот јавно изјавил дека нема да има уставни измени, со што, според Филипче, практично е затворен патот кон Европската Унија. Во тој контекст, ја цитираше и претседателката на државата која изјавила дека „патот кон Брисел е измислен“.

„Граѓаните мора да знаат дека оваа влада ја остава земјата сама во сложени геополитички услови, изложена и на влијанија од Русија“, предупреди Филипче.

На крајот, претседателот на СДСМ порача дека доколку ваквите политики продолжат, Македонија ризикува да остане изолирана и надвор од ЕУ, дури и кога Црна Гора и Албанија ќе станат полноправни членки, што, како што рече, може да се случи веќе за една до две години.

„Ние ќе стоиме во место – без реформи, без визија и без чекор напред“, заклучи Филипче.