Филипче: Владеењето на ВМРО-ДПМНЕ е продолжение на политиките од времето на Груевски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Владеењето на ВМРО-ДПМНЕ е продолжение на политиките од времето на Груевски

16 јули 2025

• од Станча Јаќимовски

Претседателот на СДСМ, Венко Филипче, во гостување на телевизијата Канал 5 остро ја критикуваше актуелната Влада предводена од ВМРО-ДПМНЕ, обвинувајќи ја дека владее на ист начин како поранешниот премиер Никола Груевски. Според него, граѓаните се соочуваат со сè полоша економска реалност, без вистински реформи и со продолжување на штетни политики од минатото.

„Граѓаните денес живеат полошо од порано. Куповната моќ е намалена, инфлацијата е зголемена, платите не растат, а пензискиот систем е сериозно загрозен — и тоа не го велиме само ние, туку и официјални лица од самата Влада“, изјави Филипче.

Тој потсети дека СДСМ уште пред една година предупредувал дека линеарното зголемување на пензиите ќе создаде дефицит во пензискиот фонд и ќе ја доведе во ризик иднината на пензионерите. Наместо ваков пристап, според него, било можно да се одржи стабилноста на системот без да се загрози благосостојбата на пензионерите.

Во однос на стилот на владеење на ВМРО-ДПМНЕ, Филипче е дециден дека не се гледа воспоставување на вистински систем за подобар живот, туку напротив — се гледа „копија на политиките и начинот на владеење од времето на Груевски“.

„Оваа влада не носи никакви реформи. Наместо тоа, има само манипулативни кампањи и поделби меѓу граѓаните. Гледаме ист модел на владеење – со популистички пораки, поделби на патриоти и предавници, но без вистински резултати“, рече тој.

Филипче посочи дека ваквиот пристап не само што не ги решава проблемите, туку и дополнително ја поларизира јавноста. Тој ја повика Владата да прекине со „разубавување на реалноста“ и конечно да се фокусира на вистински реформи кои ќе им донесат подобар живот на сите граѓани.