Бугарскиот европратеник Влчев: Северна Македонија нема место во ЕУ додека не ја запре омразата кон Бугарите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарскиот европратеник Влчев: Северна Македонија нема место во ЕУ додека не ја запре омразата кон Бугарите

17 јуни 2026

• од Гоце Кически

За време на пленарната сесија на Европскиот парламент (ЕП) во Стразбур, се одржа дебата посветена на проширувањето на Европската Унија (ЕУ) кон земјите од Западен Балкан. Дискусијата беше одбележана со остри критики од страна на бугарските европратеници кон Република Северна Македонија.

Во рамките на дебатата, бугарскиот европратеник Ивајло Влчев од партијата ИТН („Има таков народ“), кој е известувач во сенка на групата на Европските конзервативци и реформисти за Косово и Северна Македонија, го истакна стратешкото значење на регионот за иднината на ЕУ. Сепак, во однос на Северна Македонија, тој изрази сериозна загриженост поради, како што наведе, континуираните манифестации на непријателство кон Бугарите. Влчев ги потсети присутните на неодамнешните инциденти, посочувајќи на оштетувањето на имотот на бугарската дипломатска мисија во Скопје и палењето на бугарскиот културен клуб во Битола.

„Ова е резултат на со години наметнуваната омраза кон Бугарите во Македонија и кон бугарската држава, што продолжува и сега. Сметам дека ние кои тврдиме дека ги претставуваме демократијата и хуманоста, кои ги штитиме човековите права, мора цврсто да ја осудиме античовечката идеологија на македонизмот и да ги заштитиме правата и достоинството на Бугарите. Ваквата Северна Македонија нема место во ЕУ сè додека не ги спроведе потребните реформи и не почне да ги почитува меѓународните договори и европските барања“, изјави Влчев.

Во своето излагање, тој исто така ги поздрави напорите на Косово на патот кон евроинтеграциите, повикувајќи ги властите во Приштина да ги преземат неопходните законски измени за официјално признавање на „бугарското малцинство“ и гарантирање на неговите права.

Критики за „политички притисок и говор на омраза“

На дебатата учествуваше и европратеникот Станислав Стојанов, претседател на партијата „Европа на суверените нации“, заменик-претседател на истоимената парламентарна група и дел од делегацијата на радикалната бугарска партија „Преродба“ (Възраждане). Тој остро ја осуди политиката на властите во Скопје и последните случаи на вандализам.

„За жал, кај Република Северна Македонија забележуваме загрижувачко назадување. Правната држава, демократијата, слободата на медиумите и заштитата на основните права сè почесто се жртви на политички притисок, неказнивост и говор на омраза. Физичките напади и судските прогони против претставници на бугарската заедница продолжуваат“, истакна Стојанов, споменувајќи ги случаите со Христијан Пендиков, Љупчо Георгиевски, како и случајот со Ива Михајлова, на која, како што тврди, ѝ било одбиено лекување во странство.

Според него, нападите врз бугарските културни клубови се особено алармантни и се последица на децениско насадување говор на омраза кон Бугарија.

Стојанов се осврна и на неодамнешното опожарување на автомобилите на бугарската амбасада во Скопје, нарекувајќи го „недозволив акт против дипломатско претставништво на земја-членка на ЕУ“. Тој заклучи дека Северна Македонија не може да ја гарантира безбедноста на европските дипломати.

„Граѓаните на земјата заслужуваат подобра иднина, но таа поминува низ реални реформи, владеење на правото и почитување на правата на сите заедници. Режимот на Мицкоски не може да обезбеди ништо од ова, и натамошниот напредок во преговарачкиот процес не е оправдан“, дециден беше Стојанов.

На крајот од својот говор, тој порача дека процесот на проширување мора да се базира на реални заслуги и спроведени реформи, посочувајќи ги Албанија и Црна Гора како водечки кандидати поради напорите што ги вложуваат.