Арсовска поднесе кривична пријава против Ганиу

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Арсовска поднесе кривична пријава против Ганиу

16 јули 2025

• од Станча Јаќимовски

Градоначалничката на Скопје, Данела Арсовска, поднесе кривична пријава до Обвинителството за гонење организиран криминал и корупција против градоначалникот на општина Чаир, Висар Ганиу, и неколку вработени во општината. Според нејзините наводи, во Чаир се користела фалсификувана деловодна книга за легализација на дивоградби, со што се вршела сериозна злоупотреба на службената положба.

Во пријавата се наведува дека граѓани кои навремено поднесувале барања за легализација на балкони или наследени објекти биле одбивани во роковите предвидени со законот. Наместо тоа, нивните деловодни броеви наводно биле злоупотребени за легализација на големи објекти, вклучително и висококатници, изградени дури десет години по донесувањето на Законот за легализација на бесправно изградени објекти. Дел од лицата за кои се воделе легализации биле малолетни во времето кога биле изградени тие објекти.

Арсовска наведува дека постојат најмалку 15 конкретни случаи кои го поткрепуваат нејзиното обвинување, а како клучен доказ го посочува регистарот на Министерството за транспорт и врски. Таа бара од обвинителството да го спореди овој официјален регистар со деловодната книга на општина Чаир, за да се утврди дали навистина се вршеле фалсификати – со додавање или менување на податоци и броеви.

„Апелирам до ОЈО ГОКК итно да ја обезбеди оригиналната деловодна книга од општина Чаир и да ја спореди со регистарот на Министерството, каде ќе се види дека бројките и податоците не се совпаѓаат. Тоа ќе биде недвосмислен доказ за фалсификат“, изјави Арсовска за „Слободен печат“.

Таа додаде дека очекува лесно да се прибават и дополнителни докази, вклучувајќи сведочења од оштетени граѓани и документи со кои се потврдува дека нивните законски поднесени барања биле одбиени, а потоа истите бројчиња биле повторно искористени.

Градоначалникот на Чаир, Висар Ганиу, не одговорил на повиците и пораките на „Слободен печат“ за да ја презентира својата страна на случувањата.