27 јуни 2026
• од Темелко Тошев
Православната црква и верниците денеска го прославуваат споменот на Светиот пророк Елисеј, еден од најголемите старозаветни пророци кој живеел околу 900 години пред Христа. Познат како директен наследник на пророкот Илија, Елисеј останал запаметен по својата неизмерна ревност и големите чуда.
Според светите преданија, кога Господ сакал да го земе кај Себе престарениот пророк Илија, му открил дека за негов наследник во пророчката служба го одредил токму Елисеј. Тој бил син на Сафат, од племето Рувимово, родум од градот Авелмаул.
Илија му ја соопштил Божјата волја на Елисеј, го покрил со својата наметка и испросил од Бога двојна благодат за него. Послушен на Божјиот повик, Елисеј веднаш го оставил својот дом и тргнал по својот духовен учител. Откако Господ го зел Илија на огнени кочии, Елисеј останал на земјата и ја продолжил пророчката служба со уште поголема сила.
Во црковната историја се смета дека според чистотата и ревноста кон верата, Елисеј им бил рамен на најголемите пророци, но според чудотворната моќ која му ја подарил Бог – ги надминал сите.
Неговиот живот е исполнет со бројни сведоштва за Божјата сила, меѓу кои најпознати се следниве чуда:
Покрај големите чуда, Светиот пророк Елисеј им претскажал многу значајни настани како на целиот народ, така и на поединци, оставајќи неизбришлива трага во историјата на спасението.
Својот овоземен пат го завршил во длабока старост, претставувајќи се пред Господа како еден од најпочитуваните светилници на верата.
Ненадминливи Понуди Дневно
4.8 (10276 рецензии)
Заштедете 152.00 ден

