Зеленски: Целите на Русија остануваат непроменети

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Зеленски: Целите на Русија остануваат непроменети – да ја продолжи војната

29 август 2025

• од Станча Јаќимовски

Украинскиот претседател Володимир Зеленски изјави дека масовните руски напади со ракети и дронови повторно ја потврдуваат стратегијата на Москва – да ја продолжи војната по секоја цена.

Ноќно обраќање

Во своето ноќно видео-обраќање, Зеленски нагласи дека ударите врз Украина не се насочени само кон луѓето и градовите во земјата, туку претставуваат напад и врз сите во светот кои се залагаат за мир.
„Овој удар јасно покажува дека целите на Русија не се сменети. Тие сакаат да продолжат да се борат. Ова е удар не само врз Украина, туку и врз Европа, па дури и врз глобалните лидери кои се стремат кон мир,“ истакна тој.

Зеленски додаде дека додека во Вашингтон се слушаат тврдења оти рускиот претседател Владимир Путин е подготвен за преговори, реалноста покажува спротивно – наместо разговори за мир, Русија избира балистички ракети и нови жртви.

Нападот врз Киев

Во раните утрински часови на 28 август, руската армија изврши комбиниран ракетен и дрон-напад врз Киев, кој предизвика серија силни експлозии и големи разурнувања во повеќе градски реони: Шевченковски, Голосеевски, Дарницки, Днепровски и Деснянски.

Бројот на загинати достигна 21 лице, додека 63 беа повредени. Според локалните власти, околу десетмина луѓе сè уште би можеле да бидат затрупани под урнатините.

Удар врз фабриката за „Bayraktar“

Во нападот е погоден и објектот на турската компанија Baykar Makina, која гради фабрика за производство на дронови „Bayraktar“ во близина на Киев. Според првичните информации, регистрирани се две директни удари што предизвикале сериозни штети врз производствените капацитети. Ова е четврта по ред руска атака врз фабриката во изминатите шест месеци.

Реакција и повик за санкции

Зеленски изрази сочувство до семејствата на жртвите и повика меѓународната заедница да даде јасен одговор на руските напади преку нови санкции кон оние што ја спонзорираат агресијата.

„Проблемот е што Путин не се плаши да ги напаѓа дури ни лидерите на кои им дава ветувања. Затоа, светот мора да реагира соодветно,“ порача украинскиот претседател.