Вселенскиот Патријарх ја пофали Бугарија за еврото со ликот на Свети Иван Рилски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Вселенскиот Патријарх ја пофали Бугарија за еврото со ликот на Свети Иван Рилски

27 декември 2025

• од Станча Јаќимовски

Вселенскиот патријарх Вартоломеј јавно ја пофали Бугарија за одлуката ликот на Свети Јован Рилски да се најде на бугарските евромонети, оценувајќи дека станува збор за силна порака за духовните вредности во современиот свет.

Ова тој го истакна во својот говор по заедничката литургија со бугарскиот патријарх Даниил, обраќајќи му се со титулата „Неговото Блаженство, софискиот митрополит и патријарх на цела Бугарија“.

Порака за врската меѓу верата и економијата

Потсетувајќи дека од 1 јануари следната година Бугарија влегува во еврозоната, Вартоломеј нагласи дека изборот на Свети Јован Рилски за националните евромонети претставува радосно изненадување и длабок симбол.

„Тоа на најсвечен начин ја нагласува нераскинливата врска на бугарскиот народ со светата православна вера“, изјави Вселенскиот патријарх, додавајќи дека економијата не смее да се води само од „алгоритми и студени пресметки“, туку мора да ја има предвид божествената икономија – домостроителството на љубовта и почитта кон човекот.

Според него, економијата што ги занемарува духовните вредности и вечното назначение на човекот неминовно води кон распаѓање на општественото ткиво и не придонесува за вистински економски напредок.

Христијанско разбирање на парите

Вартоломеј истакна дека преку изборот на ликот на Свети Јован Рилски, Бугарија испраќа јасна порака до европското семејство и пошироко – дека парите не се средство за користољубиво збогатување, туку дејствување на љубовта.

Тој потсети дека и византиските монети често го прикажувале ликот на Исус Христос, носејќи духовна порака за општеството. „Ништо друго не ни преостанува, освен да ја пофалиме оваа примерна иницијатива и да посакаме нејзината порака да биде целосно разбрана“, нагласи патријархот.

Грижа за бугарските верници во Истанбул

Во својот говор, Вартоломеј се осврна и на присуството на бројни православни верници од бугарско потекло во Истанбул, кои, како што рече, уживаат целосна пастирска грижа и заштита од Вселенската патријаршија, со почит кон нивниот јазик и обичаи.

„Тука нема веќе ни Јудеј, ни Елин, туку сите сме едно во Христа Исус“, истакна тој, најавувајќи дека бугарскиот патријарх лично ќе може да се увери во тоа на заедничката литургија во храмот „Свети Стефан“.

Повик за заедничко сведоштво во современиот свет

На крајот, Вселенскиот патријарх потсети на пораките од одбележувањето на 1700-годишнината од Првиот вселенски собор во Никеја, нагласувајќи дека Црквата е повикана да сведочи за Исус Христос во свет разнишан од неправди, војни и раздори.

„Уверени сме дека во овој дух ќе продолжиме заедно да се соочуваме со современите црковни и богословски предизвици, потпирајќи се на Оној што е Пат, Вистина и Живот“, порача Вартоломеј.