Во Њујорк одбележана 83-годишнината од спасувањето на бугарските Евреи

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Во Њујорк одбележана 83-годишнината од спасувањето на бугарските Евреи

16 март 2026

• од Станча Јаќимовски

Во Генералниот конзулат на Бугарија во Њујорк на 12 март беше одбележана 83-годишнината од спасувањето на бугарските Евреи. Настанот беше организиран во соработка со Американскиот еврејски комитет, соопшти дипломатското претставништво на социјалните мрежи, а информацијата ја пренесе БТА.

Средбата се одржа под наслов „Паметење, дејствување и превенција: ангажманот на Бугарија во борбата против антисемитизмот во поширокиот трансатлантски контекст“. Во фокусот на дискусијата беа современите политики за спротивставување на антисемитизмот, инспирирани од историскиот пример со спасувањето на речиси 50.000 бугарски Евреи за време на Втората светска војна.

Главен говорник на настанот беше проф. Румјана Христиди од Софискиот универзитет „Св. Климент Охридски“. Таа потсети на долгогодишната традиција на толеранција и соживот меѓу Бугарите и Евреите, истакнувајќи дека Бугарија и денес се смета за една од земјите со најниско ниво на антисемитизам.

На настанот се обрати и скулпторката Каја Декелбаум, уметница со бугарско-еврејско потекло. Таа ја претстави својата скулптура „Духот“, која ја опиша како симбол на благодарност кон бугарскиот народ. Според неа, „во мрачните години на Втората светска војна Бугарија беше единствената земја во Европа од која дојде светлина и човечност“.

Во рамки на дискусијата, модерирана од генералниот конзул Ангел Ангелов, беше нагласена важноста на образованието, историската меморија и меѓународната соработка во борбата против антисемитизмот. Учесниците ја истакнаа и значајната улога на Бугарската православна црква во спасувањето на бугарските Евреи.

Настанот заврши со музичка програма во која беше изведено дело од бугарскиот композитор со еврејско потекло Милчо Левиев. Изведбата ја донесе израелската виолончелистка и композиторка Тамар Сагив.

Меѓу присутните на одбележувањето беа дипломати, претставници на бугарски и еврејски организации, членови на академската заедница, како и претставници на бугарската и еврејската дијаспора во Њујорк.