Урсула фон дер Лајен на посета во Бугарија како дел од безбедносната турнеја на „првите линии“ на Европа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Урсула фон дер Лајен на посета во Бугарија како дел од безбедносната турнеја на „првите линии“ на Европа

28 август 2025

• од Гоце Кически

Претседателката на Европската комисија, Урсула фон дер Лајен, ќе пристигне во недела во Софија во рамките на својата интензивна дипломатска турнеја низ седум европски држави кои се сметаат за „прва линија“ во одбраната од руската агресија. Турнејата, која започнува во петок и трае до понеделник, има за цел да ја демонстрира решителноста на ЕУ во поддршката за Украина и во засилувањето на европските одбранбени капацитети.

Во Бугарија, фон дер Лајен ќе се сретне со премиерот Росен Јелјазков. Според дипломатски извори во Брисел, на маса ќе бидат прашањата за регионалната безбедност на Балканот, вклучувањето на Софија во заедничките европски одбранбени иницијативи и можностите за дополнителни инвестиции во воената индустрија на земјата.

Посетата доаѓа во време на растечки безбедносни предизвици за ЕУ. Само денови претходно, Русија изведе масовни воздушни напади врз Киев, при што беше погодена и зграда на делегацијата на ЕУ, а животот го загубија најмалку десет цивили. Иако нема повредени меѓу дипломатскиот персонал, Брисел остро реагираше, нагласувајќи дека „нападите се целосно неприфатливи“ и дека поддршката за Украина останува непоколеблива.

Визитата во Софија е дел од најголемата дипломатска офанзива на фон дер Лајен во областа на безбедноста и одбраната од почетокот на целосната руска инвазија врз Украина. Таа е придружена со порака до сите земји на „фронтовата линија“: Европа мора да биде подготвена за идни безбедносни шокови и да ја демонстрира својата заедничка сила.