31 декември 2025
• од Станча Јаќимовски
Претседателката на Европската комисија, Урсула фон дер Лајен, изјави дека приклучувањето на Украина кон Европската унија претставува основна и долгорочна гаранција за безбедноста на земјата. Нејзините изјави ги пренесе Би-Би-Си.
„Просперитетот на слободна Украина се темели на нејзиното членство во Европската унија. Самото членство претставува клучна безбедносна гаранција. Проширувањето не е корисно само за земјите кои се приклучуваат — досегашните бранови на проширување покажаа дека цела Европа има корист од тоа“, истакна фон дер Лајен.
Таа додаде дека европските лидери денеска одржале разговори посветени на Украина, кои ги оцени како конструктивни и продуктивни.
„Денес имавме добра и содржајна дискусија со европските лидери за нашата поддршка на Украина, нејзината безбедност и процесот на обновување на земјата“, нагласи претседателката на Европската комисија.
Ненадминливи Понуди Дневно
4.8 (10276 рецензии)
Заштедете 152.00 ден

