Украина започна контранастапување, Зеленски: „Ја ослободуваме земјата“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Украина започна контранастапување, Зеленски: „Ја ослободуваме земјата“

18 септември 2025

• од Тодор Вангелов

Украинскиот претседател Володимир Зеленски се сретна со украинските војници кои учествуваат во контраофанзивата во Добропоље, Донецка област, објави „Укринформ“.

„Донецка област. Се сретнав со нашите војници што учествуваат во контраофанзивата во Добропоље. Разговарав со бранителите, им се заблагодарив за постигнатите резултати и им врачував државни одликувања. Добив и извештај од главнокомандувачот Олександр Сирски за текот на операцијата, општата ситуација на фронтот и претстојните планови“, напиша Зеленски на Телеграм.

Според него, украинските сили ја ослободуваат земјата чекор по чекор.

„Од почетокот на операцијата се вратија под наша контрола 160 квадратни километри и седум населени места, а повеќе од 170 квадратни километри и девет населени места се ослободени од окупаторите. Речиси сто напаѓачи се заробени, а само во последните неколку недели Русите претрпеа илјадници загуби – и ранети и загинати“, изјави Зеленски.

Украинскиот претседател ги опиша борбите во реонот на Добропоље и Покровск во Донецка област како тешки.

„Всушност, нашите сили го лишуваат окупаторот од можноста да изведе целосна офанзивна операција, која одамна ја планираат и на која се надеваат“, рече Зеленски во видеообраќање, пренесе „Ројтерс“.