Трамп распореди две атомски подморници покрај Русија како одговор на заканите од Медведев

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Трамп распореди две атомски подморници покрај Русија како одговор на заканите од Медведев

02 август 2025

• од Станча Јаќимовски

Американскиот претседател Доналд Трамп во петокот соопшти дека наредил распоредување на две атомски подморници во близина на руските брегови, како одговор на последните провокативни изјави на заменик-претседателот на Советот за безбедност на Русија, Дмитриј Медведев.

„Врз основа на силно провокативните изјави на поранешниот руски претседател Дмитриј Медведев, кој сега е заменик-претседател на Советот за безбедност на Руската Федерација, наредив распоредување на две атомски подморници во соодветни региони, за секој случај, доколку овие глупави и подстрекувачки изјави се нешто повеќе од зборови“, напиша Трамп.

Тој нагласи дека зборовите се многу важни и често можат да предизвикаат несакани последици, изразувајќи надеж дека ова нема да биде таков случај.

Според информациите на телевизијата „Скај“, американските атомски подморници ќе бидат поставени во стратешки области покрај руските води.

Оваа ескалација доаѓа откако Трамп оваа недела го нарече Медведев „неуспешен поранешен претседател“ и го предупреди да „внимава што зборува“. Како одговор, Медведев упати прикриена закана, повикувајќи се на советската нуклеарна стратегија од Студената војна позната како „мртва рака“.

Во раните часови на четвртокот, преку својата социјална мрежа Truth Social, Трамп остро го критикуваше Медведев, откако овој ја оцени намерата на Трамп да воведе санкции кон Русија и кон купувачите на руска нафта како „ултимативна игра“ и чекор поблиску до воен судир меѓу САД и Русија.