САД размислуваат за купување на Гренланд, нудат еднократни исплати за жителите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

САД размислуваат за купување на Гренланд, нудат еднократни исплати за жителите

09 јануари 2026

• од Станча Јаќимовски

Администрацијата на американскиот претседател Доналд Трамп разгледувала можност за испраќање еднократни парични исплати до жителите на Гренланд, како дел од обидот да ги убеди да се одделат од Данска и потенцијално да се приклучат кон САД, објави Ројтерс, повикувајќи се на извори запознаени со темата.

Според двајца од изворите, дискутираните суми се движат од 10.000 до 100.000 долари по лице. Директните исплати до жителите на Гренланд, кој има околу 57.000 жители, се една од идеите што се разгледуваат како начин САД да го „купат“ островот.

Во Белата куќа се дискутирале повеќе сценарија за стекнување контрола врз Гренланд, вклучително и потенцијална употреба на американски воени капацитети. Меѓу опциите што ги разгледувале советниците на Трамп е и склучување на т.н. Договор за слободна асоцијација – модел на соработка што САД го имаат со некои островски држави.

Еден од изворите навел дека разговорите за еднократни исплати не се нови, но во последните денови станале значително посериозни. Се разгледувале и повисоки износи, при што исплата од 100.000 долари по лице – што би изнесувало речиси 6 милијарди долари вкупно – се смета за реална можност.

Сè уште не се познати деталите за евентуалната исплата, како што се времето и начинот на распределба, ниту пак што точно би се очекувало од гренландските жители за возврат. Од Белата куќа изјавија дека воена интервенција е можна, иако официјални претставници нагласуваат дека САД претпочитаат дипломатско решение или купување на островот.

На брифинг со новинарите, портпаролката на Белата куќа, Каролин Ливит, изјави дека Трамп и неговите советници за национална безбедност „разгледуваат како би изгледала потенцијална купопродажба“. Во меѓувреме, американскиот државен секретар Марко Рубио најави дека следната недела во Вашингтон ќе се сретне со својот дански колега за да разговараат за прашањето со Гренланд.

Трамп подолго време тврди дека САД треба да го преземат Гренланд поради неговото стратешко значење, богатството со минерали неопходни за современи воени технологии, како и од аспект на националната безбедност. Тој исто така изјавил дека Западната хемисфера треба да биде под геополитичко влијание на Вашингтон.

Иако анкетите покажуваат дека големо мнозинство од гренландците сакаат независност, загриженоста за економските последици од одвојувањето од Данска досега ги спречува повеќето локални политичари да повикаат на референдум. Истражувањата исто така укажуваат дека, и покрај отвореноста за независност, мнозинството жители на Гренланд не сакаат да станат дел од САД.