Руски напад врз автобус со рудари однесе 15 животи кај Павлоград

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Руски напад врз автобус со рудари однесе 15 животи кај Павлоград

01 февруари 2026

• од Станча Јаќимовски

Во нов бран напади, руски сили погодија автобус со рудари во близина на градот Павлоград, во Днипропетровска Област, при што загинаа најмалку 15 лица, а седуммина се повредени. Инцидентот се случил во неделата, соопшти најголемата приватна енергетска компанија во Украина, ДТЕК.

Според компанијата, Русија извршила масовен напад насочен кон рудниците на ДТЕК. Еден од проектилите погодил службен автобус во градот Тернивка, кој превезувал рудари кон нивните домови по завршувањето на смената.

„Службениот автобус превезуваше рударски работници — цивили кои не се вклучени во борбените дејства. Ова е уште еден брутален напад со жртви, само во текот на денешниот ден“, изјави украинскиот народен правобранител Дмитро Лубинец.

Овие напади се случуваат во момент кога претседателот на Украина најави трилатерални мировни разговори што треба да се одржат следната недела во Обединетите Арапски Емирати.

Претходно истиот ден, руски напад предизвикал оштетувања на породилиште во Запорожје, при што се повредени најмалку девет лица, меѓу кои и едно дете, соопштија украинските власти.

Според информациите од Државната служба за вонредни состојби на Украина, двата удара предизвикале пожар кој избувнал на вториот кат од болницата, во приемниот дел на гинеколошкото одделение.

Гувернерот на регионот, Иван Федоров, изјави дека две жени и четиригодишно момче биле прегледани, а пожарите подоцна биле целосно изгаснати.

„Ударот врз породилиштето е уште еден доказ за војна што се води против животот“, изјави Федоров.