Руската агресија остави над 62.000 семејства во Одеса без струја и греење

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Руската агресија остави над 62.000 семејства во Одеса без струја и греење

17 декември 2025

• од Станча Јаќимовски

Руските напади врз енергетската инфраструктура предизвикаа сериозна хуманитарна криза во украинската област Одеса, оставајќи над 62.000 домаќинства без електрична енергија и греење. Ова го соопшти шефот на Обласната државна администрација на Одеса, Олег Кипер.

Според неговите изјави, во изминатите 24 часа екипите на енергетските компании успеале повторно да приклучат околу 220.000 домаќинства на електричната мрежа. Претходно беше објавено дека снабдувањето е обновено за околу 330.000 корисници, но значителен број граѓани сè уште се соочуваат со прекини.

По масираниот руски напад извршен на 13 декември, целата област Одеса остана без електрична енергија и вода, потсетува Би-Би-Си. Нападот предизвика сериозни оштетувања на клучни трафостаници и електроенергетски мрежи, што значително го отежнува процесот на обновување.

„Во моментов најтешката ситуација е во самиот град Одеса. Оштетените подстаници и мрежи се обновуваат практично од нула – дел по дел, чекор по чекор“, изјави Кипер, додавајќи дека уште околу 62.300 домаќинства сè уште чекаат повторно воспоставување на електроснабдувањето.

Локалните власти истакнуваат дека работата на терен продолжува непрекинато, но предупредуваат дека целосната нормализација ќе бара време, особено поради обемот на уништувањето и ниските температури кои дополнително ја влошуваат состојбата за населението.