Радмила Шекеринска со силна порака за трансатлантската одбрана на Бриселскиот форум

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Радмила Шекеринска со силна порака за трансатлантската одбрана на Бриселскиот форум

12 јуни 2025

• од Тодор Вангелов

Заменичката генерален секретар на НАТО, Радмила Шекеринска, учествуваше на престижниот Бриселски форум, каде што во панел-сесија насловена „Трансатлантска одбрана: Кој плаќа? Кој дејствува?“ испрати силна порака за важноста на заедничките безбедносни напори помеѓу Европа и САД.

Во дискусијата, модерирана од Клаудија Мајор, потпретседателка на Германскиот Маршалов фонд (GMF), Шекеринска потенцираше дека европските и американските одбранбени напори мора да останат „трансатлантски и комплементарни“. Таа додаде дека сè поголемата одговорност што ја преземаат европските сојузници и Канада придонесува за тоа НАТО да стане „посилно, поефективно и поодлучно воено партнерство“.

Преку објава на социјалната мрежа X (поранешен Twitter), Шекеринска изјави:

„Чест ми беше да учествувам во панел-дискусија на Бриселскиот форум во пресрет на #NATOsummit. Конструктивна и навремена дебата за актуелните безбедносни предизвици, за потребата од зголемено одбранбено финансирање, правична распределба на товарот и значењето на трансатлантската врска.“

Шекеринска истакна дека претстојниот Самит во Хаг ќе постави темели за „посилно, подобро, поправедно и уште поефикасно НАТО“, со повисоки амбиции во заедничкото одвраќање и одбрана.

Бриселскиот форум е годишен настан организиран од Германскиот Маршалов фонд на САД и претставува платформа за дијалог помеѓу трансатлантските партнери. На панелот, покрај Шекеринска, учествуваа и Андриус Кубилиус, комесар за одбрана и вселенска политика при Европската комисија, шведската министерка за надворешни работи Марија Малмер Стенергард и претседателката на Европската инвестициска банка, Надија Калвињо.

Настанот доаѓа во пресрет на важен период за Алијансата, во кој зголемената глобална нестабилност и геополитичките тензии бараат поголема кохезија и подготвеност на НАТО.