Политико: Пријателството на Путин има граници

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Политико: Пријателството на Путин има граници — како што сега дозна Иран

01 март 2026

• од Тодор Вангелов

Рускиот претседател Владимир Путин повторно се најде во центарот на вниманието, откако Иран остана без вистинска руска помош за време на нападите врз Техеран. Ова се наведува во анализа на Политико, кој оценува дека поддршката од Москва има јасни граници.

Според текстот, додека Техеран бил бомбардиран од САД и Израел, иранскиот министер за надворешни работи телефонски разговарал со рускиот министер Сергеј Лавров. Од Москва стигнала само изјава со сочувство и вербална поддршка.

Иран не е прв

Политико пишува дека Иран е трета држава што почувствувала дека руската поддршка не значи и воена заштита.

Во 2024 година сирискиот претседател Башар ал Асад дознал дека руската помош не гарантира опстанок на неговиот режим, кога бунтовниците влегле во Дамаск. Венецуелскиот лидер Николас Мадуро, кој според текстот се наоѓа во американски затвор од почетокот на годинава, исто така останал без конкретна поддршка од Кремљ.

Во најновите настани, за време на нападот врз Техеран бил убиен иранскиот врховен лидер Ајатолах Али Хамнеи, објавил американскиот претседател Доналд Трамп.

Само симболична поддршка

Иако Русија и Иран во април 2025 година потпишале договор за стратешко партнерство, тој не содржел обврска за меѓусебна воена одбрана. Рускиот заменик министер за надворешни работи Андреј Руденко тогаш изјавил дека договорот не значи воен сојуз.

Москва претходно му испорачала на Техеран оружје во вредност од 500 милиони евра, вклучувајќи и напредни ракети. Исто така, руската и иранската морнарица одржале заедничка вежба во Оманскиот Залив. Сепак, кога започнал нападот врз Техеран, немало најави дека Русија ќе интервенира воено.

Путин претходно изјавил дека Русија има неутрална позиција, потсетувајќи дека во Израел живеат околу два милиони луѓе од поранешниот Советски Сојуз.

Удар по угледот на Москва

Според анализата, руската неактивност претставува удар по угледот на Кремљ на светската сцена. Но, Москва може да се обиде да ја искористи ситуацијата за да го обвини Западот за кршење на меѓународните правила.

Поранешниот руски претседател Дмитриј Медведев го критикувал Трамп на социјалните мрежи, велејќи дека разговорите со Иран биле само прикритие.

Рускиот аналитичар Фјодор Лукјанов оценил дека настаните покажуваат оти дипломатијата со Вашингтон нема резултат.

Политико заклучува дека Кремљ ќе се обиде да ја задржи поддршката од своите сојузници, и покрај тоа што повторно се покажа дека руската поддршка има јасни ограничувања.