Перев: Во Македонија чекаат некој да ги фати Радев или Борисов за уши за да потпишат за македонското малцинство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Перев: Во Македонија чекаат некој да ги фати Радев или Борисов за уши за да потпишат за македонското малцинство

10 декември 2025

• од Станча Јаќимовски

Во изјавата на Владимир Перев, македонски Бугарин и познат активист за човекови права, се открива една длабока и загрижувачка перцепција што, според него, опстојува во македонското општество и политичката елита. Перев ја истакнува заблудата дека некој надворешен фактор – Европската Унија или нејзини клучни играчи – ќе изврши притисок врз Бугарија, приморавајќи ја да се откаже од своите принципиелни барања во врска со Северна Македонија.

„Во Македонија се очекува некој ден ќе го земат Борисов за уши или Радев или некој друг да го земат за ушите и да им кажат: 'вие таму седите, вие Бугари фашисти, и ќе потпишете тоа што ви го кажуваме'“, вели Перев, опишувајќи ја оваа илјузија. Ова очекување, како што тој наведува, често е поврзано со желбата за признавање на т.н. „македонско малцинство“ во Бугарија – тема што е една од клучните пречки во односите помеѓу двете земји и во процесот на европските интеграции на Северна Македонија.

Според Перев, коренот на оваа погрешна перцепција лежи во заостаната слика за Бугарија како „поразена страна во две светски војни“. Во Македонија, вели тој, се живее со наратив кој ја прикажува Бугарија како земја со „поразена психологија“, слаба и подложна на надворешни притисоци. Меѓутоа, Перев нагласува дека оваа слика е далеку од реалноста.

„Тие не ја знаат денешната нова Бугарија. Тие не ја знаат таа силна Бугарија. Бугарија која е вредност, вредности во Европската Унија“, истакнува Перев.