МВнР на Бугарија со итен апел: Бугарските граѓани веднаш да го напуштат Блискиот Исток

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

МВнР на Бугарија со итен апел: Бугарските граѓани веднаш да го напуштат Блискиот Исток

23 март 2026

• од Станча Јаќимовски

Министерството за надворешни работи на Бугарија упати итен апел до сите бугарски граѓани кои се наоѓаат во регионот на Блискиот Исток веднаш да ги напуштат земјите погодени од конфликтот. Според институцијата, е прогласено највисоко ниво на ризик – ниво 5, што претставува сериозно предупредување за можна целосна невозможност за евакуација во блиска иднина.

Предупредувањето се однесува на повеќе држави во регионот, меѓу кои Бахреин, Кувајт, Катар, Обединетите Арапски Емирати, Либан, Саудиска Арабија и Иран.

Заменик-министерот за надворешни работи, Марин Рајков, истакна дека сите бугарски државјани кои сакаат да ја напуштат областа треба да го сторат тоа веднаш, додека воздушниот простор е сè уште отворен и аеродромите функционираат.

„Војната сè уште не е завршена и постојано ја анализираме ситуацијата на терен. Безбедносните услови се на работ на драматично влошување. Ризиците за нашите граѓани се претвораат во сериозна закана“, изјави Рајков.

Тој нагласи дека веќе е спроведена значителна евакуација на бугарски граѓани, но предупреди дека секој достапен комерцијален лет треба да се искористи додека тоа е возможно. Воедно, ги повика граѓаните да избегнуваат летови со прекачување во ризичните региони.

Според проценките, околу 2000 бугарски државјани се наоѓаат само во Обединетите Арапски Емирати.

Министерството дополнително потенцира дека во случај на затворање на воздушниот простор, државата нема да биде во можност да продолжи со организирање бесплатни евакуациски летови за сите граѓани кои ќе го игнорираат предупредувањето.

„Останувањето во регионот е на лична одговорност на секој граѓанин“, додаде Рајков, апелирајќи на максимална внимателност и итно дејствување.