Кит Келог: Близу сме до постигнување мир во Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Кит Келог: Близу сме до постигнување мир во Украина

08 декември 2025

• од Станча Јаќимовски

Специјалниот пратеник на американскиот претседател Доналд Трамп за Украина, Кит Келог, изјави дека договорот за прекин на војната меѓу Русија и Украина е многу блиску до реализација. Ова го пренесува агенцијата Ројтерс. Според него, постигнувањето договор зависи од решавањето на две клучни прашања – иднината на Донбас и статусот на Нуклеарната електрана Запорожје.

Русија започна целосна инвазија врз Украина во февруари 2022 година, по осум години судири меѓу проруските сепаратисти и украинските сили во Донбас. Војната се смета за најсмртоносниот конфликт во Европа по Втората светска војна и предизвика најдлабока конфронтација меѓу Русија и Западот од времето на Студената војна.

Келог, кој треба да ја напушти функцијата во јануари, на Националниот форум за одбрана „Реаган“ изјави дека мировните напори влегуваат во финална фаза, но предупреди дека токму завршницата е најтешкиот дел. Тој истакна дека двата нерешени прашања – Донбас и Запорожката нуклеарна електрана, најголемата во Европа – остануваат клучна пречка.

„Ако ги уредиме тие два проблема, верувам дека остатокот ќе се реши релативно лесно“, оценува Келог.

Според него, бројот на загинати и ранети во конфликтот е „ужасен и без преседан“ за регионална војна. И Русија и Украина, вели тој, имаат повеќе од 2 милиона жртви – загинати и повредени – од почетокот на војната.

Во моментот, Русија контролира околу 19% од украинската територија, вклучувајќи го Крим, целиот регион Луганск, над 80% од Донецк, приближно 75% од Херсонската и Запорожката област, како и делови од Харковска, Сумска, Николаевска и Днепропетровска област.

Оваа недела украинскиот претседател Володимир Зеленски соопшти дека имал долг и содржаен телефонски разговор со специјалниот пратеник на Трамп, Стив Виткоф, и со зетот на Трамп, Џаред Кушнер. Од Кремљ пак изјавија дека очекуваат токму Кушнер да ја води главната работа околу подготовката на можен мировен договор.

Во ноември беше објавен 28-точков мировен предлог на Доналд Трамп, кој Украина и Европската Унија го оценија како неприфатлив, со образложение дека ценовно и политички ги поттикнува интересите на Русија.