24 октомври 2025
• од Станча Јаќимовски
Поранешниот бугарски министер за одбрана, Красимир Каракачанов, во видео објавено на социјалните мрежи изјави дека Велика Британија наводно планира да донесе околу два милиони мигранти во земјите од Западен Балкан – Македонија, Косово и Албанија.
Според Каракачанов, овој потег би можел да го претвори целиот Балкан во „голем мигрантски камп“, што, како што вели, претставува сериозна закана за безбедноста и стабилноста на регионот.
„Бугарија мора решително да се спротивстави на ваквите идеи,“ порача Каракачанов, нагласувајќи дека доколку во Македонија и Косово навистина бидат сместени мигранти, Софија треба веднаш да ја затвори границата со Македонија како мерка за заштита.
Изјавата на Каракачанов предизвика реакции на социјалните мрежи и повторно ја отвори темата за миграциските политики на Европската унија и односите на земјите од Балканот со западните партнери.
Иако неговите тврдења не се потврдени од официјални извори, тие доаѓаат во период кога прашањето за миграцијата повторно станува актуелно во Европа поради новите кризи и политички тензии.
Ненадминливи Понуди Дневно
4.8 (10276 рецензии)
Заштедете 152.00 ден

