Калаc: Русија нема да ги добие замрзнатите средства без репарации

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Калаc: Русија нема да ги добие замрзнатите средства без репарации

30 август 2025

• од Гоце Кически

Шефицата за надворешна политика на Европската унија, Каја Калас, во саботата изјави дека не може да се замисли враќање на руските средства замрзнати во рамките на Унијата, доколку Москва не плати репарации за штетите предизвикани со војната во Украина.

„Не можеме ни да замислиме дека ... ако дојде до прекин на огнот или мировен договор, овие средства ќе ѝ бидат вратени на Русија доколку таа не плати репарации,“ рече Калас пред состанокот на министрите за надворешни работи на ЕУ во Копенхаген.

Според Европската унија, околу 210 милијарди евра (245,85 милијарди американски долари) од руските средства се замрзнати во земјите-членки како дел од санкциите воведени поради инвазијата врз Украина.

Украина, заедно со неколку земји-членки на ЕУ, меѓу кои Полска и балтичките држави, бараат конфискација на средствата и нивно користење за поддршка на Киев.

Сепак, главните сили во Унијата – Франција и Германија, како и Белгија, која држи најголем дел од овие средства, се воздржуваат од ваков потег. Тие укажуваат дека ЕУ веќе ги насочила идните профити од средствата за враќање на финансиската поддршка за Украина и дека постои правна неизвесност околу можноста за нивна конфискација.

Дипломатски извори наведуваат дека дебатата сега се насочува кон тоа како овие фондови би можеле да се искористат по завршувањето на војната во Украина.