Фон дер Лајен: Русија мора веднаш да ги запре нападите врз цивили

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Фон дер Лајен: Русија мора веднаш да ги запре нападите врз цивили

28 август 2025

• од Гоце Кически

Претседателката на Европската комисија, Урсула фон дер Лајен, во четврток остро ги осуди руските воздушни напади врз украинската престолнина, при што беше оштетена зградата на делегацијата на Европската Унија во Киев.

Фон дер Лајен повика на итен прекин на нападите врз цивилна инфраструктура и враќање кон преговори за праведен и траен мир.

„Уште една ноќ на безмилосни руски бомбардирања. Цивилна инфраструктура е погодена, недолжни граѓани загинаа, а ударот стигна и до нашата делегација во Киев. Нашиот персонал е безбеден. Русија мора веднаш да престане со своите недискриминаторни напади и да седне на преговарачка маса за праведен мир,“ напиша таа на „X“.

I'm outraged by the missile and drone attack on Kyiv, killing men, women and children.

And damaging our EU diplomatic mission.

My thoughts go to our brave staff.

Russia's strikes on Kyiv will only strengthen Europe's unity and Ukraine's defiance ↓ https://t.co/VzuBWIPxzH
— Ursula von der Leyen (@vonderleyen) August 28, 2025

Според Euronews, најновата ракетна офанзива врз Киев однесе најмалку 10 животи и остави десетици повредени. Иако при ударот врз делегацијата на ЕУ нема жртви, зградата претрпе сериозни оштетувања.

Амбасадорката на ЕУ во Украина, Катарина Матернова, го осуди нападот, нарекувајќи го „вистинскиот одговор на Москва кон мировните напори“.

Претседателот на Европскиот совет, Антонио Кошта, изрази згрозеност од нападите и ја истакна непоколебливата поддршка на Унијата:
„ЕУ нема да биде заплашена. Руската агресија само ја зајакнува нашата решеност да стоиме рамо до рамо со Украина и нејзиниот народ,“ порача Кошта.

Еврокомесарката за проширување, Марта Кос, исто така ја осуди агресијата:
„Овие брутални напади се јасен доказ дека Русија го одбива мирот и избира терор. Нашата целосна солидарност оди кон персоналот на ЕУ, нивните семејства и сите Украинци кои го трпат ова насилство,“ напиша таа на социјалните мрежи.

Украинскиот претседател, Володимир Зеленски, порано ја осуди новата ракетна офанзива врз Киев, истакнувајќи дека спасувачките служби извлекуваат луѓе од урнатините на станбени згради.
„Уште еден масовен напад врз нашите градови. Повторно убиства, повторно страдање. Трагично, меѓу загинатите има и дете,“ порача Зеленски, испраќајќи сочувство до семејствата на жртвите.

Со секој нов напад Русија ја продлабочува својата изолација и го поткопува секој обид за мир. Европа останува цврста во својата заложба за поддршка на Украина и во стремежот за мир и стабилност на континентот.