Европа најави заеднички развој на автономни дронови за зајакнување на воздушната одбрана на НАТО

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Европа најави заеднички развој на автономни дронови за зајакнување на воздушната одбрана на НАТО

20 февруари 2026

• од Гоце Кически

Германија, Франција, Италија, Полска и Обединетото Кралство во петокот соопштија дека ќе работат на заеднички развој на нови евтини автономни дронови, додека НАТО се обидува да ја зајакне својата воздушна одбрана против Русија.

Министрите за одбрана од петте земји најавија дека ќе покренат иницијатива наречена LEAP, со цел производство на дронови во рок од една година.

„Колективно, располагаме со една од најдобрите опреми во светот за соборување воздушни закани,“ изјави заменик-министерот за одбрана на Обединетото Кралство, Лук Полард, пред новинарите по состанокот во Краков, Полска. „Уверени сме дека ова е првиот чекор од серија иницијативи што планираме да ги реализираме.“

Полард додаде дека програмата за дронови претставува „повик за мобилизација на одбранбените индустрии“ во сите пет земји да одговорат на безбедносниот предизвик.

Иницијативата доаѓа во услови на растечка загриженост за заштитата на европското небо, по серијата воздушни инциденти во НАТО минатата година — од руски борбени авиони над Естонија до ројеви дронови што навлегуваа во полскиот воздушен простор. Иако НАТО ги неутрализираше заканите, Алијансата се соочи со критики поради употребата на борбени авиони вредни милиони долари за соборување дронови што чинат само илјадници.

„Предизвикот е ефикасно да се справиме со релативно евтини ракети, дронови и други закани,“ рече Полард. „Мора да се осигуриме дека цената на одбраната одговара на цената на заканите.“ Тој додаде дека иницијативата подразбира нова „мултимилионска евра“ инвестиција од петте земји.

Според него, шемата првенствено ќе се фокусира на развој на таканаречени ефектори за дронови — воен термин за делот од системот што дејствува врз целта, како што е експлозивниот товар.

Иницијативата е дел и од поширокиот европски напор за преземање поголема одговорност за сопствената одбрана, во услови на засилен притисок од администрацијата на Доналд Трамп и сомнежи околу долгорочната посветеност на Вашингтон кон НАТО.

„Европа е мотивирана да продолжи напред во областа на одбраната,“ изјави полскиот министер за одбрана Владислав Косинијак-Камиш.