ЕУ предупредува: новите закони во Грузија ја оддалечуваат земјата од европскиот пат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

ЕУ предупредува: новите закони во Грузија ја оддалечуваат земјата од европскиот пат

07 март 2026

• од Гоце Кически

Европската унија остро реагираше по усвојувањето на нов пакет закони во Грузија поврзани со странско финансирање и политичка активност. Изјавата ја дадоа високата претставничка на ЕУ Каја Калас и комесарката за проширување Марта Кос.

Грузискиот парламент на 4 март усвои законски измени кои, според Европската унија, можат сериозно да ја ограничат демократијата и работата на граѓанските организации во земјата.

Според ЕУ, новите закони создаваат широк систем на државна контрола врз политичките активности. Во нив се предвидува и можност за кривична одговорност за лица или организации кои добиваат поддршка од странство. Европските претставници предупредуваат дека делови од законите се нејасни и можат да доведат до селективна или неправедна примена.

Европската унија смета дека со овие одлуки грузиските власти ги игнорираат меѓународните обврски за човекови права и обврските преземени во договорот за соработка меѓу ЕУ и Грузија. Според Брисел, ваквите чекори ја оддалечуваат земјата од целта за членство во Европската унија.

Во изјавата се спомнува и загриженост за приведувањето на политичари, новинари и активисти во Грузија. ЕУ повикува тие веднаш да бидат ослободени.

Како реакција на последните случувања, Европската комисија донесе одлука да го суспендира безвизниот режим за носителите на дипломатски, службени и официјални пасоши од Грузија. Оваа мерка е донесена поради, како што се наведува, постојано кршење на обврските поврзани со демократијата и основните права.

Европската унија потсетува дека со години ја поддржува Грузија. ЕУ и земјите членки помогнале со финансиска поддршка во време на економски кризи и отвориле нови трговски можности за грузиските производители. Граѓаните на Грузија и понатаму можат да патуваат во ЕУ без визи, а многу млади луѓе добиваат стипендии за образование во Европа.

ЕУ исто така нагласува дека силно ја поддржува безбедноста, територијалниот интегритет и суверенитетот на Грузија во нејзините меѓународно признати граници. Во 2023 година, Грузија доби статус на кандидат за членство во Европската унија.

Но, според европските претставници, последните чекори на грузиските власти го доведуваат во ризик долгогодишното партнерство со ЕУ и ја оддалечуваат земјата од европскиот пат.

„Со жалење констатираме дека во овој момент Грузија е кандидат за членство само по име“, се наведува во изјавата.