02 јануари 2026
• од Станча Јаќимовски
Влегувањето на Бугарија во еврозоната претставува и голема можност и сериозна одговорност, смета Добромир Иванов, извршен директор на Бугарска стартап асоцијација (БЕСКО). Во изјава за bTV, тој истакна дека граѓаните и институциите мора подобро да научат како функционира Европската унија и како нејзините механизми да се користат во корист на државата.
Според Иванов, развојот на Бугарија во наредниот период во голема мера ќе зависи од политичките и геополитичките одлуки, но и од активноста на самите граѓани во вршењето притисок врз институциите да ја извршуваат својата работа одговорно и ефикасно.
Тој нагласи дека уште една клучна тема за иднината на Европа ќе биде развојот на вештачката интелигенција и позицијата што континентот ќе ја заземе во оваа глобална трка. Во таа насока, Иванов ги оцени како апсурдни тврдењата дека со воведувањето на еврото Бугарија ќе стане зависна од други држави.
„Еврото ја прави Бугарија посилна и ќе нè направи уште посилни во геополитичките игри“, истакна тој. Според него, како држава, Бугарија мора да научи да гради сојузи и активно да ги брани сопствените интереси, наместо пасивно да ги пропушта можностите.
„Ние сме Европа. Треба да влијаеме нашата држава да стане подобро место за живеење, да ги следиме нашите интереси, да создаваме партнерства со други земји и да почнеме меѓусебно да си помагаме“, порача Иванов, изразувајќи надеж за поактивна и посамоуверена улога на Бугарија во рамки на Европската унија.
Ненадминливи Понуди Дневно
4.8 (10276 рецензии)
Заштедете 152.00 ден

